[youtube]http://www.youtube.com/watch?v=abo8PqiOhXA[/youtube]

Brenda një muaji Fujitsu do të nxjerrë në treg modelin e ri të telefonit të mençur LOOX F-07C me Windows 7.
Ky model do të ketë një ekran 4-inç me prekje, një procesor 1.2 GHz Inte Atom, 1GB/RAM, një memorie të integruar prej 32 GB dh një portë hyrëse për një mikroSDHC me një hapsidë deri në 16 GB.

Gjithasht ky telefon i mençur do të ketë një kamera 5 megapiksel me autofokus në pjesën e pasme të tij dhe një tjetër kamera 2 megapiksel në pjesën ballore të këtij Androidi. Ende nuk ka asnjë informacion se sa do të kushtojë ky model i Fujitsu. / Telegrafi /

Shpesh herë rrjeti social Facebook është i dobishëm, por ndonjëherë ai të merr në qafë.
Kjo i ka ndodhur një djaloshi 17-vjeçar nga Illinois në Shtetet e Bashkuara të Amerikës, pasi publikoi në “wall-in” e Facebook një listë të rreth 50 femrave të gjimanzit të tij “River Forest” në Oak Park, sipas preferencave seksuale.

Lista me emrat dhe fotot e 50 vajzave, shpesh herë shumë provokuese, qarkullonte në të gjithë grupin e miqve të 17-vjeçarit i cili u ndalua nga policia mëngjesin e të mërkurës.

Sikurse raprton “Chicago Tribune”, adoleshenti është përjashtuar nga shkolla për shkak të thyerjes së kodit etik me akuzën se ka abuzuar me teknologjinë dhe për diskriminim racor, kjo për shkak të përbuzjes së tij për femrat me ngjyrë që i kishte renditur në fund të listës. / Telegrafi /

Kryeministri turk, Recep Tayyip Erdogan ka një faqe në Facebook me 784,244 fansa, por kjo gjë nuk e ka ndaluar atë të “pështyjë” mbi rrjetin më të madh social, pikërisht në garën e partisë së tij për zgjedhje.
Sipas raportimeve të mediave locale dhe ndërkombëtare, Erdogan ka thënë, “Faqet në Facebook janë të shëmtuara dhe të tmerrshme”.

Sidoqoftë, besohet se ankesa kryesore e Erdogan për Facebook, përqëndrohet në atë që ai e quan “të pamoralshme” dhe e cila u servohet të gjithëve për ta parë.

Kohë më parë, ai kishte folur me ton të njëjtë edhe për emaila, për të cilën gjë ai ishte nxitur nga lideri i partisë opozitare turke. / Telegrafi /

Javën e kaluar ishte thënë se tableti i kompanisë Samsung, përkatësisht Samsung Galaxy Tab do të pajisej me versionin e ri të platformës mobile Android, atë Android 2.3 Gingerbread.
Ndërsa tani Samsung e ka konfirmuar se të gjitha pajisjet e saj mobile të linjës Samsung Galaxy do të jenë me këtë version të sistemit operativ të Google.

Në mesin e pajisjeve që do të mbështeten me Android 2.3 Gingerbread janë edhe modelet e telefonave të mençur mobil si Samsung Galaxy S, Ace, Gio, Fit dhe Samsung Galaxy Mini.

Freskimi i pajisjeve të Samsung me Android 2.3 Gingerbread do të jetë në dispozicion për të gjitha modelet e lartpërmendura, ndërsa thuhet se kjo gjë do të ndodh këtyre ditëve.

Një gjë të tillë mbase mund ta presin të gjithë përdoruesit kosovar të këtyre modeleve. / Telegrafi /

Coreflood është botneti më i ri të cilit i është përfunduar misioni nga ana e FBI. Kjo e fundit ka përdorur manovra të caktuara për të vënë offline botnetin Coreflood, që do të thotë se vëllimi i spamit që del në inboxin tuaj do të jetë më i vogël, dhe gjithashtu edhe interneti më i sigurtë.
Një botnet siç e dini është një rrjet i kompjuterëve të infektuar (bot) që mund të kontrollohen prej së largu nga sulmues të caktuar, për qëllime të dëmshme. Coreflood lejon që kompjuterët e prekur me Windows të qasen nga sulmuesit, duke iu mundësuar atyre të vjedhin të dhëna personale të ndjeshme dhe informata financiare, në mënyrë që të vjedhin fonde.

“Botnetët dhe cyber-kriminelët që i implementojnë ata, dëmtojnë sigurinë e ekonomisë së Shteteve të Bashkuara të Amerikës dhe varshmërinë e shtetit në infrastrukturën informative” tha Shawn Henry, Asistent-Drejtor Ekzekutiv i Divizionit Për Krime, Cyber-Krime, Reagime dhe Shërbime të FBI-së, pranë departamentit të drejtësisë në SHBA. “Këto veprime për të ndaluar kërcënimin e shkaktuar nga Coreflood janë të parat e këtij lloji në Shtetet e Bashkuara të Amerikës dhe reflektojnë përkushtimin tonë për të qenë kreativ dhe proaktiv në bërjen e internetit një vend më të sigurt”.

Dave Marcus, pranë McAfee Labs që është në rolin e drejtorit hulumtues dhe për komunikime, theksoi për PCWorld se cyber-kriminelët prapa Coreflood kanë krijuar makina të të hollave me këtë botnet. Marcus tha se është vështirë të parashikohet sesa të holla ka gjenruar botneti, por ka gjasa të bëhet fjalë për dhjetëra milionë, dhe se askush nuk mund ta mohojë se kjo shumë mund të arrijë deri në 100 milion dollarë.

Ky është sulmi tjetër i radhës kundër cyber-kriminelëve, pasi që më parë Waledac ishte stopuar në shkurt të vitit 2010, pastaj Bredolab në nëntor të vitit të kaluar, etj. Rustock një tjetër botnet ishte stopuar në mars të vitit 2011. Por pavarësisht kësaj ka ende shumë botnet aktiv dhe të cilët duhet sfiduar nga organet kompetente. /pcworldalbanian