SK Gaming janë kurorëzuar me titullin e kampionit të Inferno Online 3.3 pasi shkatërruan ekipin e a2g me 2-0.

Një total prej 32 ekipe nga Suedia u mblodhën për të luftuar për çmimin e lartë prej 8000$ dhe një vend të caktuar për kampionatin suedez në DreamHack Summer 2011.

Eventi zgjati për një periudhë prej dy ditësh, me SK Gaming e a2g që dolën në krye të secilës ditë, pastaj të kalojnë në duel ndërmjet veti në fund të ditës finale.

a2g nuk doli të jetë një pengesë e vështirë për të mposhtur SK Gaming, të cilët i mposhtën me rezultatet 16-4 dhe 16-6 në de_inferno dhe de_train, respektivisht.

Google ka filluar të testojë dizajnin e saj të ri për rezultatet e kërkimit. Pamja e re e kësaj faqeje përfshin një ngjyrë të re, dhe shumë më shumë hapësirë të bardhë.
Një përfaqësues i kompanisë Google e ka konfirmuar se gjiganti i kërkimit në internet është duke i bërë disa teste, sa i përket pamjes së faqes së kërkimit.
Siç edhe mund ta vëreni më poshtë, pamja e re, e ri-dizajnuar e Google përfshin disa ngjyra të cilat e kanë nga një kuptim të caktuar.



Ndryshimet më të mëdha në versionin e ri të faqes, të cilën mund ta shohi vetëm disa përdorues të zgjedhur të Google, vërehen me hapësirën e cila e ndan secilin rezultat të kërkimit.
Gjithashtu, në pamjen e re e cila për momentin është vetëm test, shihet më shumë distancë mes rezultateve, e cila është me prapavijë të bardhë, dhe në të njëjtin vend, rezultatet ndahen me një vijë nga njëra tjetri.

9.05.2011 , Sot jan bere 7019 antare te antaresuar ne EsportsKosova.com/forum
Edhe pas disa problemesh qe i kan kaluar Stafi i eSK-s numri i anetarve eshte rritur ndjeshem nga 3000 qe ka qen ne djetor me 7000 qe eshte ne MAJ

Faliminderit Stafit t`esk-s qe ta ka pru risi n qdo moment

Redgars,
PsydoxN1^.-

Qe ni foto pra nga unë (war_ning)



[spoiler]PROuD TO BE A PART OF ESK,, Faliminderit ne veqanti:war_ning; LongHorn;WeapoN ; PLAY ; ONNZ etj etj etjj[/spoiler]

Online Kingdom kanë njoftuar se Hannu "H^N" Pohjalainen është i detyruar të largohet nga lojërat.

Lojtari finlandez ka qenë i thirrur për të bërë shërbimin e tij ushtarak, i cili është i detyrueshëm në vendin e tij, duke e lënë atë jo aktiv nga një periudhë që mund të shkojë deri në 12 muaj.

Pohjalainen, një ish-anëtar i artoCS dhe Playzone, kishte qenë pjesë e ekipit që prej krijimit të tyre në janar dhe herën e kaluar u pa në Xperia PLAY, duke luajtur një rol të rëndësishëm pasi Online Kingdom arriti fazën e dytë të grupit.



Ekipi finlandez janë aktualisht në vëzhgim për një zgjidhje të re të përhershme, por një i përkohshëm është gjetur, bëhet fjalë për yllin e Power Gaming Samu "plastE" Aalto që do të veprojnë si një zëvëndësues.

Online Kingdom, të cilët janë aktualisht pjesëmarrës në ESL A Series Nordic dhe ICSC 8, tani ka:

Freon
danzer
BASiC
jigetus
plastE

Ja 2 video nga Hannu "H^N" Pohjalainen në Xperia PLAY:

[youtube]http://www.youtube.com/watch?v=3sbZLRhiIVM[/youtube]

[youtube]http://www.youtube.com/watch?v=woZmfkT_CcA[/youtube]

Samsung para Nokia's në Evropë!


Të gjitha shifrat flasin për rënien e kompanisë Nokia. Në tre-mujorin e parë të vitit, Samsung ka marrë 29.3 për qind të tregut të telefonave në Evropën Perëndimore, ndërsa Nokia ka rënë 27.9 për qind.

Mirëpo, në nivel global, Nokia ende është prodhuesi kryesor i telefonave të mençur mobil.

IDC ka publikuar rezultatet e kërkimit të saj të tregut, për tre-mujorin e parë të vitit, ndërsa në këtë raport del se Samsung është lider i tregut për Evropën Perëndimore.

Që nga tre-mujori i kaluar, pjesëmarrja e tregut të Samsung është rritur nga 29.1 në 29.3, ndërsa ajo e kompanisë Nokia ka rënë nga 32.7 në 27.9 për qind.

Sipas raportit të IDC’së, Apple është në vendin e tretë me 9.8 për qind, dhe kjo është një ngritje nga 6.9 për qind që kjo kompani kishte krahasuar me tre-mujorin e kaluar.

Në tregun evropian, Apple ka shitur 4.4 milionë iPhone, dhe kështu është shndërruar në lider të telefonave të mençur mobil.

Në 2015, Windows Phone 7 do të jetë lider?


Bashkëpunimi strategjik me kompaninë Nokia, prodhuesit numër një në nivel botëror, besohet se do t’i ndihmojë Microsoft’it të shtrijë edhe më tej ndikimin e sistemit të saj operativ për telefonat mobil, Windows Phone 7.

Pritet që ky bashkëpunim t’i ndihmojë gjigantit amerikan të softuerit të marrë ndonjë pozicion më serioz, sa i përket platformës së saj mobile, edhe pse Windows Phone 7 është pasardhës i sistemit operativ Windows Mobile, i cili gjithsesi se është një platformë shumë e mirë mobile.

Për momentin, klima e tregut nuk po e lejon shumë kompaninë Microsoft të promovojë vlerat e sistemit të saj operativ për telefonat mobil, pasi që beteja me rivalët si Android dhe iOS është shumë e ashpër.

Mirëpo, shtrirja e madhe e kompanisë Nokia në tregun botëror të telefonave mobil, pritet që t’i ndihmojë Microsoft që të zgjerohet edhe në tregun e telefonave standard mobil, dhe jo vetëm tek telefonat e mençur, të cilët kryesisht i dedikohen konsumatorëve më të pasur.

Stela Bokun, analiste e biznesit në Pyramid Research, thotë se qasja e telefonave të mençur mobil deri në vitin 2015, do të rritet nga 27 në 53 për qind.

Sipas studimit të kësaj firme, thuhet se kërkesa për telefonat e lirë që bazohen në Android do të rritet, dhe e njëjta do të vijë nga shtetet e Afrikës dhe ato në zhvillim, por edhe në një pjesë të Evropës, Lindjes së Mesme, Azisë dhe Amerikës Jugore (gati gjithë botës).

Por, edhe përkundër faktit se Android OS do të jetë platforma kryesor e zhvillimit, Boku thotë se Windows Phone 7 do të jetë në vendin e parë, dhe se ky kryesim do të ndodhë në vitin 2015.

Natyrisht, se ky parashikim vjen si pasojë e marrëveshjes që Nokia ka me Microsoft, por edhe popullaritetit në rritje të platformës së kësaj të fundit.

iPad mban 82 për qind të tregut!


Versioni i parë i tabletit, iPad dhe iPad 2 kanë qenë një sukses i jashtëzakonshëm për kompaninë Apple, dhe për këtë nuk ka asnjë dyshim.

Mirëpo, si ndikon suksesi i Apple në kompanitë e tjera të cilat gjithashtu kanë hyrë në tregun e kompjuterëve tablet, dhe sa për qind të tregut posedohet nga Apple?

Kompania e hulumtimeve të tregut, Nielsen, së fundmi ka realizuar një hulumtim me poseduesit e tabletëve në SHBA, dhe rezultatet e këtij hulumtimi janë mjaft interesante.

Nga të gjithë pronarët e tabletëve të cilët kanë marrë pjesë në hulumtim, 82 për qind e tyre posedojnë një iPad, apo kombinimet iPad ose iPad 2.

Pjesa tjetër e mbetur e tregut përbëhet nga Samsung Galaxy Tab me 4 për qind, Dell Streak me 3 për qind, si dhe Motorola Xoom me më pak se 2 për qind.

Natyrisht se Apple ka qenë e para që ka filluar me tabletët, dhe iPad mbetet shumë popullor në mesin e përdoruesve amerikan, mirëpo një trend i ngjashëm pritet të vazhdojë edhe më tutje për këtë markë dhe produktin e saj të famshëm.

Libri i ri i Ferrarit quhet “Official Ferrari Opus” dhe konsiderohet si Bibla e makinës së famshme italiane. Ky libër ka 850 faqe dhe 2 mijë foto që tregojnë me imtësi çdo model Ferrari që ka dalë nga fabrika e Maranello-s. Në të mund të gjesh dosjet e çdo piloti profesionist që ka drejtuar një Ferrari në cirkuitet e Formulës 1. Ferrari ka përgatitur 4 botime të këtij libri dhe ai që bie më shumë në sy është “Enzo Diamante” që do të kushtojë plot 200 mijë euro. Me këtë shumë mund të blesh një Ferrari California. Ky libër kushton kaq shumë për shkak se kali, që është simboli i Ferrarit, është “vizatuar” me 30 diamantë të bardhë. Të gjithë ata që do e blejnë këtë libër do të marrin pjesë në një shorte i cili do t’i dhurojë një makinë Ferrari të Formulës 1 me të cilën Michael Schumacher ka arritur fitore të shumta. Por, do të ketë edhe edicione më “ekonomike” të këtij libri. Versioni “Enzo” që do të kushtojë 37 mijë e 500 euro do të ketë firmën e të gjithë pilotëve të Ferrarit (që jetojnë ende) që kanë dalë kampion me skuderinë e kuqe. Versioni “Cavallino Rampante” do të kushtojë 5 mijë euro, ndërsa versioni “Classics” që kushton 3 mijë euro do të ketë firmat e pilotëve aktualë të skuderisë: Fernando Alonso dhe Felipe Massa.