Kaliforni, 6 korrik - Bashkë me ridizajnimin më të madh grafik të shërbimeve dhe ofertës, që ndërlidhet me Google+, GMaili i popullarizuar do të pësojë po ashtu një ridizajnim. Sipas parimit të “pak a shumë” të dëshmuar pamja do të jetë e hekurosur dhe elegante, e ngjashme me dizajnin e GMail aplikacionit për Android në tabletë. Tani për tani tema që mund ta shihni në foton përcjellëse të këtij artikulli është në disponim përmes tabit Themes brenda shërbimit Settings, ndërsa ndryshimet e mëdha do të pasojnë në muajt në vazhdim. As Google Calendar nuk do të lihet anash gjatë verës, ndërsa mbetet të shihet se sa do t’u pëlqejnë këto ndryshime shfrytëzuesve nazeli të klientit GMail të mësuar me skinin aktual.

New York, 6 korrik - Sajti i ri të cilin e ka iniciuar kolektivi Anonymous dedikohet për kërmbim anonim të përmbajtjeve, sipas principit të WikiLeaks, dhe përmes tij komuniteti i hackerëve dhe të gjithë ata që ndjehen pjesë e tij do të kenë mundësi t’ua vënë në disponim medieve në mënyrë anonime përmbajtjet digjitale interesante deri tek të cilat kanë ardhur përmes hackimit. Pas përfundimit të punës së LulzSec, Anonymous nuk ka fshehur ambiciet që përmes lëvizjes AntiSec të vazhdojë me hacktivizëm, ndërsa krijimi i sajtit si HackerLeaks paraqet një hap në drejtimin e duhur.

[youtube]http://www.youtube.com/watch?v=EXFILcIhiVs[/youtube]

Dy mace, të shtrira sa gjatë sa gjerë në krevat, sikur kishin vendosur që pasditën të kalojnë me muhabete.
I bënin njëra tjetrës pyetje, i përgjigjeshin njëra tjetrës, së paku kështu rrëfen videoja, e pastaj u bën gati të flenë.

Tbilisi, 6 korrik – Një nga djemtë e presidentit gjeorgjian, Mikhail Saakashvili , ka vendosur rekord të ri botëror në shpejtësinë e shtypjes së alfabetit latin në iPad, ka njoftuar televizioni gjeorgjian. Siç transmeton AFP, 15-vjeçari Eduard Sakashvili ka arritur që të shtypë 26 shkronja të alfabetit për 5.26 sekonda, duke thyer rekordin e mëparshëm prej 6.31 sekonda, të cilin nga qershori 2010 e mbante adoleshenti britanik Charlie McDonnell.

Mikhail Saakashvili tërhoqi vëmendjen në mars, kur së bashku me djalin më të ri, Nikolozin pesëvjeçar, mori pjesë në manovrat ushtarake për të rritur moralin e ushtrisë.

Karolinë e Jugut, 6 korrik - Bree Boyce është vajza që fitoi pak ditë në parë çmimin kryesor në konkursin e bukurisë në Karolinën e Jugut. Bukuroshja 22-vjeçare ka befasuar jurinë me fizikun e saj dhe me buzëqeshjen magjepsëse.Por, mediet kanë zbuluar fakte edhe më interesante sesa fitorja e kurorës së bukurisë. Boyce në adoleshencë nuk ka qenë mbi peshë dhe pamja e saj ishte shumë larg të qenit një miss apo model, transmeton NOA.

Për të marrë pjesë në konkursin e bukurisë, 22-vjeçarja është dashur të heq 50 kilogramë nga pesha e saj. Në intervistën e dhënë për mediet, ajo flet për jetën gjatë adoleshencës dhe atë çfarë i është dashur të bëjë për të qenë elegante dhe për të fituar më pas një konkurs bukurie.

Google ka nisur në heshtje një faqe të re të internetit që i lejon njerëzit për të ngritur konkurse dhe ofron para për fituesit.

Platforma e re, e quajtur Prizes (çmimet), i lejon njerëzit të krijojnë gara të cilat përqëndrohen rreth pyetjeve dhe detyrave të veçanta.

Përdoruesit mund të ofrojnë shpërblime në të holla për garat që ata kanë ngritur.

"Prizes.org është një vend ku ju mund të krijoni konkurse dhe të lejoi njerëzit të konkurrojnë për një çmim të zgjedhjes tuaj. Paraqitja më e mirë fiton çmimin" shpjegon faqja e internetit.

Google beson se njerëzit do të ndihmojnë njëri tjetrin në zgjidhjen e problemeve dhe të paguhen për veprat e tyre në të njëjtën kohë. Shërbimi i ri drejtohet nga krijuesi i lojrave sociale Slide, i cili ishte marrë nga gjigandi i kërkimit vitin e kaluar.

Përdoruesit mund të hynë në faqen e internetit për të filluar krijimin e konkurseve dhe të fitojnë para duke përdorur të dhënat hyrëse në Twitter ose Facebook. Çmimet, pavarësisht se janë në pronësi të Google, nuk ka ardhur me mbështetjen e llogarive të Google.

Toshiba ka prezantuar laptopin e parë 3D në botë Qosmio F750, që nuk kërkon syze të posaçme për shikimin e filmave apo luajtjen e lojërave në 3D. Si model iQosmio T851/D8CR që Toshiba njoftoi në prill, edhe Qosmio F750 gjithashtu mund të garantojë edhe materiale në 2D dhe 3D pa syze në ekranin e tij 15.6 inç.

Teknologjia mbrapa 3D-së pa syze të Toshiba-s dërgon imazhe perspektivash të ndryshme individualisht si në syrin e majtë ashtu edhe në atë të djathtin për të krijuar efektin. Kjo kërkesë e shikimit direkt – uebkamera HD ndjek lëvizjet e syrit tuaj – nënkupton se nuk do të jeni në gjendje t’i shikoni filmat në laptop me miqtë tuaj, por të paktën mund të hiqni syzet, të cilat janë të sikletshme.

Qosmio F750 është projektuar për multimedia. Ky laptop ka një ekran HD (1920×1080 piksel), kartë grafike Nvidia GeForce GT 540M (deri në 2GB), disk të rishkrueshëm Blu-ray dhe bokse Harman Kardon. Laptopi vjen me një RAM 6GB dhe përdor procesor Intel Core i7.

Lançimi i këtij kompjuteri do të bëhet në muajin gusht 2011.

Hakerët kanë përfituar nga popullariteti i jashtëzakonshëm i rrjetit të ri social nga Google, duke dërguar nëpërmjet e-mailit, ftesa të rreme për shërbimin.

Çdokush që i përgjigjet këtyre ftesave të rreme për t′u bashkuar me Google+ drejtohet tek një faqe interneti farmaceutike.

Sipas Sophos, një grup kanadez i quajtur Partnerka është përgjegjës për mashtrimin "amator".

Krijuesi i kompjuterave Hewlett Packard ka marrë komedianin/aktorin Russell Brand për të promovuar pajisjen e tij të ardhshme tabletë, TouchPad-in.

Brand shfaqet në disa video të shkurtra për të shpjeguar disa karakteristika që ofron pajisja. Karakteristika si Just Type, Smart Notifications, Multitasking dhe Touch To Share janë shpjeguar nga Brand në mënyrën e tij unike.

Brand shihet edhe duke dhënë pikëpamjet e tij mbi karakteristika të ndryshme dhe i demonstron disa prej tyre në video.

Gjigandi i programeve komjuterike Microsoft ka deklaruar se botneti nuk është i pathyeshëm.

Richard Boscovich, një punonjës me njësinë Digital Crime Unit të Microsoft-it, ka informuar në një blog se, që kur Microsoft kishte rrëzuar "Rustock botnet" duke kapur disa komanda dhe qëndra kontrolli në SHBA, numri i pajisjeve të infektuara globalisht me virusin ka shkuar nga 1.6 milion në 700,000 në qershor.

"Ndërsa ne vazhdojmë përpjekjet tona për të luftuar krimin elektronik, një gjë është e qartë: këto kërcënime nuk mund të trajtohen vetëm. Ishte nëpërmjet përpjekjeve të kombinuara të Microsoft-it që që Rustock u rrëzua" shkruajti Boscovich në një blog.

Microsoft, i cili kishte bashkuar forcat me agjensitë e zbatimit të ligjit (më 16 mars) për të rrëzuar botnet-in, kishte filluar gjithashtu një fushatë në Rusi për të gjetur identitetin e hakerëve rus përgjegjës për botnet-in. /albeu.com/