Mbetje të dinosaurëve të vjetra deri 200 milion vite u dërguan në Paris në prag të hapjes së ekspozitës të mostrave unikate të dinosaurëve që duhet të mbahet javën tjetër në kryeqendrën franceze. Skeletët e dinosaurëve që vizitorët do të kenë mundësi ti shohin janë nga periudhat e zhvillimit të tokës të njohura si Jura dhe Kreda. Duken njëjtë sikur të jenë nga filmi i Walt Disney.

“Kjo është hera e parë që shoh kafkë kaq të madhe nga afër. Gjithmonë është zbavitëse të shihet një gjë e tillë ”, tha Viktor Denajer, vizitues. Sipas organizatorëve, ekspozita do të jetë mundësi e mirë të shihen mostra që kanë qenë pjesë e parahistorisë, e që ende janë aktuale.
“Do të kemi një diplodokus gjigant i cili mund të shihet në filmat e Ualt Disney-it. Do të mund të shihet mumia e dinosaurit që është gjë e çmuar. Ajo është sikur Mona Liza tek dinosaurët. Është dinosaur me lëkurë! Kjo vërtet është e pabesueshme”, u shpreh. Erik Mikeler, konsulent në Muzeun e shkencave natyrore.

Vlera e dinosaurit – Mumi llogaritet në 1,5 milion euro, ndërsa i skeletit të dinosaurit qafëgjatë 1 milion. Ekspozita do të zgjat deri kah mesi i shtatorit. /kuriozitete.net/

Seema Bhadoria, 26 vjeçare, vetëm në pamje të parë është nj vajzë e zakonshme. Ajo në fakt është një “Supervashë” e cila ka aq shumë fuqi sa që mund ta tërheqë një kamion – dhe atë me dhëmbë.
Indiania me prejardhje nga Madhya Pradesh me sukses lëvizi e më pas tërhoqi kamionin e rëndë rreth 4 tonelata. Seema lidhi litarin për kamion, ndërsa skajin tjetër që e futi në gojë e mbështolli me një leckë, ndërsa më pas e tërhoqi fuqishëm duke e lëvizur kamionin.

Në bisedë me gazetarët lokalë vajza tha se para pak kohe ajo në të njëjtën mënyrë arriti të tërheqë një aeroplan dhe anije, ndërsa ëndrra e saj është të regjistrohet në librin e rekordeve Guinness. /Telegrafi/

Ferrari i së ardhmes do të jetë korean?



Çdo vit Ferrari fton studentët e dizajnimit në 50 universitet më prestigjoze në mbarë botën për të lënë të lirë imagjinatën e tyre në krijimin e supermakinës për të ardhmen. Rezultatet ishin të jashtëzakonshme.

Të gjithë personat që hynë në garën e vitit 2011 kishin diçka të përbashkët - u përqëndruan në reduktimin e konsumit të karburantit nëpërmjet energjisë alternative dhe në reduktimin e peshës së makinës.

Në fillim studentët ndërtuan koncepte dy dimensionale, të cilat u kthyen më pas në modele 3 dimensionale duke përdorur programin 3D Autodesk Alis.

Dizajni më i pëlqyer ishte i një grupi nga Seuli (Korea e Jugut) i cili fitoi vendin e parë me modelin "Eternita". /albeu.com/

Sheiku shkruan emrin në rërë, shihet edhe nga hapësira



Miliarderi Hamad Bin Hamdan Al Nahyan ka vendosur të shkruajë emrin e tij në rërë me shkronja aq të mëdha sa të shihet nga hapësira.

Një imazh me satelit konfirmon shkronjat e mëdha "HAMAD" të gdhendura në rërë në ishullin Al Futasi në Abu Dabi.

Emri shtrihet në një gjatësi prej dy miljesh dhe ka mundësi të qëndrojë për shumë kohë në ishullin e largët.

Për personat e interesuar të shohin emrin e sheikut arab super të pasur mund ta bëjnë duke përdorur Google Earth dhe faqen e Google map (hartë).

Ai është njeriu i dytë më pasur pas mbretit të Arabisë. Mësohet se në garazh ka 200 makina, përfshi 7 makina Mercedes 500 SEL me ngjyrat e ylberit, të cilat i ruan në një piramidë gjigante. /albeu.com/

Miqësia e pazakontë midis surikatit dhe qenit



Për qenin Poppy, surikati (ose meerkat) Timon është më shumë se një mace e thjeshtë. Dyshja jeton me pronarët John Bent dhe gruan e tij Sally në Dronfield, Derbyshire, dhe janë pothuajse të pandashëm.

Ata e vendoën miqësinë e tyre të pazakontë pasi Timon, 4, u largua nga surikatët e tjerë në kopshtin zoologjik të Bentëve.
Dhe ndonëse shtëpia e tyre ka edhe një mace, Timon menjëherë bëri një lidhje të veçantë me qenin Poppy.

Dyshja tashmë luan me njëri tjetrin, lahen së bashku dhe nxirren edhe për shëtitje së bashku.

"Ata janë të pandashëm. Ata hanë ushqimin e njëri tjetrit por kurrë nuk zemërohen. Surikatët rrinë shumë me llojin e tyre por Timon është ndryshe" tha 62 vjeçari Bent. /albeu.com/

13 vjeçari vret një "chupacabra"? (VIDEO)



Një 13 vjeçar nga Teksasi tha se ai qëlloi një kafshë të çuditshme jashtë shtëpisë së tij që ai beson se mund të jetë kafsha legjendare "chupacabra".

Carter Pope, 13 vjeçar, pa kafshën e çuditshme jashtë shtëpisë së tij dhe ai e gjuajti krijesën nga rreth 60 metra largësi.

"Ishte ngjyrë gri. Unë mendova se ishte një chupacabra" tha adoleshenti, duke iu referuar krijesës legjendare që supozohet se thith gjakun e kafshëve.

"Unë mendova se isha në ëndërr ose ky fëmijë ishte i çmendur. Ndoshta pak a shumë të dyja" tha babai i 13 vjeçarit.

Carter Pope ka në plan të dërgojë lëkurën dhe qimet për të marrë një identifikim të krijesës. /albeu.com/

Shikoni videon:

[youtube]http://www.youtube.com/watch?v=3I4ku8ZpTv0[/youtube]

Japonezët prodhuan kompjuterin më të fuqishëm



Shkencëtarët japonezë kanë konstruktuar superkompjuterin C-Computer tri herë më të shpejtë dhe më të fuqishëm nga kompjuteri kinez i cili deri para disa ditësh ishte më i fuqishmi.

Fuqia e tij është e barabartë me forcën që një milion PC. „C-Computer ” përbëhet nga 672 “ormanë” të ndërlidhur me mijëra kompjuterë më të vegjël.

Këtë makinë e ka ndërtuar kompania „Fujico ” dh ajo gjendet në Institutin për shkencën kompjuterëve „Riken” në Kobe dhe do të përdoret për parashikimin e tërmeteve si dhe për studimin klimës dhe për studimin në fushën bërthamore.

„C – Computer” shpenzon rrymë sa dhe 10 mijë amvisëri brenda një viti dhe kushton 10 milionë dollarë.