Si të veproni nëse ju laget laptopi

[RaydeN]

Nëse nuk merrni masa urgjente kur ju laget laptopi, mund të mos ju ndizet më dhe të dalë jashtë përdorimi.

Masat e ndërmarra në situate të tilla mund të parandalojnë disa dëme të pariparueshme.

Ndërprisni menjëherë lidhjen me korrentin sapo t’ju laget laptopi juaj. Kthejeni laptopin mbrapsht dhe parandaloni shpërndarjen e lëngut në pjesën e brendshme të tij.

Pastrojeni lëngun e derdhur mbi laptop me një leckë. Hiqni baterinë dhe pajisjet tjera të jashtme. Vendoseni përmbys dhe mbajeni ashtu disa ditë.

Pasi të kullojë gjithë uji apo lëngu i derdhur sipër tij vendoseni laptopin në oriz. Kompjuteri do të thahet më shpejt me ndihmën e veçorisë thithëse të orizit.

Do të ishte mirë nëse mund të siguroni kapsula thithëse dhe t’i vendosni nën kompjuterin e kthyer mbrapsht.
Mos përdorni makinën tharëse të flokëve sepse mund të krijoni dëme elektronike.

Vendosni baterinë e laptopit, nëse punon lëreni për pak kohë të ndezur dhe pastaj fikeni. Nëse nuk punon atëherë provoni duke vendosur kabllon elektrike. Nëse nuk ju ndizet përsëri kërkoni ndihmën e servisit teknik.

Nëse mbi laptop janë derdhur pije me sheqer si coca-cola, kafe, lëngje frutash atëherë çojeni menjëherë në servis pasi të keni bërë ndërhyrjen e parë.


Burimi Lajmit /.knninfo.com