Secili që në rrugë e sipër ose sa herë që ka harruar paratë për një drekë të mirë me siguri se ka provuar salsiçen dhe bukën me senf. Por në Boston hot-dogu në ditën e vet më 22 korrik – theu edhe një rekord botërorë.

Kryekuzhinieri Ben Glanz krijoi hot-dogun më të shtrenjtë në botë me ndihmën e ekipit basketbollistik The Brockton Rox në kuadër të festimit të Ditëve të hot-dogut. Një hot-dog i tyre kushton 55 euro, ndërsa arsye për këtë janë natyrisht përbërësit.

Hot-dogut më të shtrenjtë në botë shije i jep edhe kavijari, vaji prej tartufi dhe përbërës tjerë të shtrenjtë. Mjeshtrit e kuzhinës e quajtën këtë shpikje “Nock-out hot-dog”.

[youtube]http://www.youtube.com/watch?v=Z3_WGWYAXz0[/youtube]

Në Guatemalë gjatë kësaj jave mbahet kongresi i klounëve. Kongresi filloi me një paradë të madhe ku të gjithë klounët me shkëlqimin e tyre të plotë dëshmuan shkathtësitë e tyre.

Edhe pse është organizuar për të gjithë klounët e Amerikës Latine, organizatorët thonë se argëtimet e tyre janë të mirëseardhura për të gjithë ata që ndjehen paksa “tralala”.

Ai mban emrin e njërit prej drerëve të Babadimrit – Blitzen. Qeni katërvjeçar ka aftësi “fluturuese” në ajër.

Pronarja Stacy Clark (44 vjeçar), e cila jeton në Marikyrk të Britanisë, thotë se Blitzen mund të kërcejë deri në 2 metra lartësi, që është më shumë se rekordi botërorë i cili është vendosur më 2006 me kërcimin prej 176 centimetra. “Ai nuk është trajnuar për ta bërë këtë. Ai këtë e bënë tërë ditën, i pëlqen uji dhe i pëlqen të punojë me fëmijët”, thotë Stacy, duke shtuar se ajo dhe fëmijët e saj do të mbeten të kënaqur kur Blitzen edhe zyrtarisht e thyen rekordin botërorë në kërcimin në ajër.

Fotografitë fantastike të cilat i publikoi Daily Mail janë bërë në Loch Morlich në Cairngorms, ku po pushon familja e Stacyt. Familja Clarck adoptoi Blitzenin nga një i pastrehë i cili më nuk mund të kujdesej për të dhe kështu ia shpëtoi jetën, shkruan Daily Mail.

Vetëm për katër muaj të vitit 2011, Policia e Kosovës ka evidentuar një sërë rastesh për trafikim, posedim, shitje, shpërndarje të heroinës dhe substancave të tjera psikotropike. Këtë e dëshmojnë statistikat e zeza të policisë. Zyrtarja për informim e Policisë së Kosovës, Sabrije Kamberi ka njoftuar për "Kosova Sot" se gjatë katërmujorit të vitit 2011 janë paraqitur gjithsej 82 raste të trafikimit, shitjes, shpërndarjes apo posedimit të heroinës dhe mjeteve të tjera psikotropike. Numërohen gjithsej 129 persona të arrestuar si të involvuar në kryerje të kësaj vepre. Edhe persona të ndaluar si të dyshuar për involvim në kryerje të kësaj vepre penale janë evidentuar nga zyrtarët tanë, të cilët i kanë ndaluar gjithsej 61 persona. Në mesin e të arrestuarve, 123 janë shqiptarë të Kosovës, 2 të tjerë të përkatësisë serbe dhe katër të tjerë të përkatësive tjera. 125 persona të arrestuar kanë qenë të gjinisë mashkullore, ndërsa katër të arrestuara i përkasin gjinisë femërore. Gjithsej 60 operacione policore janë zhvilluar gjatë kësaj periudhe. Raste të trafikimit me heroinë dhe substanca të tjera psikotropike janë 29, ndërsa i posedimit 46. Kamberi më tej ka bërë të ditur se Policia gjatë kësaj periudhe kohore ka arritur që të konfiskojë gjithsej 16.885.08 gr. substanca narkotike. Gjatë muajit janar, policia ka konfiskuar 6500 gr. heroinë, shkurt 42. 26 gr. heroinë, mars 8841. 24 gr., ndërsa prill 1501. 58 gr. heroinë. Sipas statistikave të policisë gjatë muajit janar të këtij viti janë konfiskuar gjithsej 9830.22 gr. marihuanë, shkurt 23249. 2 gr, mars 5338. 31 gr., ndërsa prill 761. 5 gr. marihuanë. Policia nuk ka evidentuar të konfiskimit të hashashit.

Një 57-vjeçar japonez është ndaluar nga policia, pasi kaloi 54 ditë në një banjë publike pa paguar dhe duke u ushqyer me produktet e shpërndarësit automatik.

Sipas forcave të rëndit, burri i papunë, i pastrehë dhe pa asnjë mundësi tjetër jetese, u fut në banjën publike që prej 25 gushtit.

Pasi u pikas për qëndrimin e gjatë, 57-vjeçi u ndalua nga policia dhe tani ndodhet në qeli.

Perri Uatkins, nga Bakingsheri, ka krijuar mobilien më të shpejtë në botë. Ai duke përdorur tavolinën e tij të kuzhinës, ia ka dalë që gjatë vozitjes të arrijë shpejtësinë deri në 181 km/h.

Ai ishte ulur në tavolinë, e kishte quajtur “Fast food” dhe ishte nisur rrugëve të qytetit.

Besoni apo jo, ai kishte arritur shpejtësinë deri 182 km/h, duke thyer rekordin e vitit 2007, i cili ishte vendosur duke përdorur vozitjen e sofasë, shpejtësia e saj kishte arritur deri 148 km/h.

Tash Uatkins shpreson se rekordi i tij do të futet në librin e rekordeve të Ginisit. Në këtë tavolinë ai kishte punuar për një vit rresht në garazhin e tij. /Reuters/

Paratë, megjithatë nuk janë burim i të gjitha të këqijave në këtë botë, e këtë e ka dëshmuar edhe zjarrfikësi vullnetar, Ho Hsin nga Tajvani, i cili i ka dorëzuar në polici 235 mijë dollarë, të cilat i kishte gjetur në rrugë.

Duke u vozitur me motoçikletë nëpër qendrën e Taipei, Ho rastësisht ka gjetur tri qese përplot me para në mes të rrugës dhe menjëherë është drejtuar në polici, duke pohuar se as që i ka shkuar nëpër mend të mbaj paratë për vete.

“Ato para nuk më takojnë mua”, ka deklaruar Ho, raporton agjencia e lajmeve AP.

Se si qeset me para janë gjetur në rrugë, ka sqaruar më vonë Liu Çien-sin, rojtar i kompanisë britanike “Group 4 Securicor”, i cili ka thënë se ato kanë rënë nga një automjet i blinduar i kompanisë, të cilit i ishte prishur doreza.

Sipas ligjeve të aplikueshme të Tajvanit, zotëriut Hou i takon shpërblimi prej 30% të shumës së parave të gjetura, nëse ky njeri shpirtmirë vendos të kërkojë atë që e ka të garantuar me ligj

Eduard Hernandez është kolumbiani më i shkurtër në botë. Kështu u emërua nga libri i rekordeve të Ginisit një ditë më parë.

Ndryshe i quajtur si Nino që do të thotë fëmijë. Titullin e trashëgoi nga kinezi He Pingping, i cili ndërroi jetë në mars. Nino jeton në Bogota me prindërit dhe 4 vëllezërit. Ndërkohë që ka hobi futbollin dhe vallëzimin regeton, vallëzim i shquar në Amerikën Latine.

32 persona janë helmuar dhe janë shtruar në orët e darkës në spitalin rajonal të Shkodrës jashtë rrezikut për jetën, pasi kanë konsumuar ushqimet që kanë tepruar nga dasma që kishin pasur dy ditë më parë.Personat që janë shtruar në spitalin e Shkodrës, banorë të lagjes “Iliria”, në hyrje të Shkodrës, ushqimet që kanë tepruar nga dasma më 25 korrik i kanë përdorur dhe dy ditë pas dasmës.

Kjo ka shkaktuar helmim tek të gjithë personat