Apple Inc. do të lansojë një iPhone të ri në fillim të vitit 2015 dhe ky iPhone i ri pritet që të kushtojë shumë më lirë se të tjerët, me qëllimin që kompania të fitojë sa më shumë klientë.

Ky celularë i veçantë sipas të gjitha gjasave do të quhet iPhone 6S Mini, pasi kështu thonë të gjithë analistët teknologjik, dhe do të ketë një ekran 4 inç – ekran ky në të cilin Apple ka qenë duke punuar javëve të fundit.



Kështu, çfarë mund të presin adhuruesit e pajisjeve Apple nga kjo pajisje e re dhe cili do të jetë dallimi i këtij celulari nga të tjerët. Përveç madhësisë së ekranit, është thënë se ky celularë do t’i ketë disa risi të cilat Lajmi.net i ka mbledhur më poshtë:

Një orë shoqëruese nga Apple
Nëse iPhone 6S lansohet vitin e ardhshëm, është shumë e mundshme që të zbulohet edhe ora e parë e mençur e Apple. Kjo orë ishte konfirmuar muaj më parë dhe është e sigurt se do t’i bëjë shumë konsumatorë për vete.

Që të krijohet një lidhje e veçantë mes të dy pajisjeve, është e mundur që iPhone 6S të përfshijë një mbështetje për orën e ardhshme, me të cilën do të bashkëvepronte.

Skaje të lakuara
Samsung ka përhapur në internet një prototip të ekranit me skaje të lakuara për pajisjen e ardhshme të tyre, që duket se Apple i ka në mend gjithashtu. Apple zakonisht ka qenë prijës i shumë shpikjeve por këtë herë mund të vendosë që të jetë pasues dhe të sjellë pajisjen e re me një ekran me skaje të lakuara, të cilët padyshim se janë duke u pëlqyer si ide, transmeton Lajmi.net.

Kështu që, besojmë se Apple me lansimin e një iPhone 6S Mini me ekran me skaje të lakuara do t’i testojë klientët, dhe më pas ta sjellë iPhone 7 me një ekran të tillë.

Teknologji e re
Apple do të provojë që të sjellë një kamerë edhe më të mirë në iPhone 6S Mini. Raportet gjithashtu sugjerojnë se teknologjia e re shumë e specializuar nga Qualcoom Inc. do të mund të jetë e përfshirë në këtë pajisje, ku qëllimi kryesor do të jetë mbajtja e kostove të prodhimit ulur.

iPhone 6S Mini do të krijohet si një pajisje e përballueshme – që do të thotë se do të kushtojë lirë - që ka për qëllim të sjellë klientë të ri në Apple.

Quote:burimi: lajmi.net

Monitori i parë i lakuar i Samsung tani ka dalë në shitje.

Samsung sigurisht se i pëlqen pajisjet e lakuara HDTV, dhe tani është duke e zgjeruar dizajnin e tij edhe tek pajisjet PC.

Sot kompania zbuloi një model të ri të quajtur Ativ One 7, një pajisje që i ka të gjitha dhe punon si një makinë Windows që përmban një ekran të lakuar, transmeton Lajmi.net.

Samsung thotë se ky ekran luan me sytë tuaj duke iu bërë të mendoni se është më i madh se sa që është në të vërtetë. Lakimi i ekranit vërehet më shumë kur ju qëndroni afër tij se sa kur e shikoni atë nga një largësi.

Me çipin e tij Intel Core i5 dhe 8GB RAM, Ativ One 7 plotëson mjaftueshëm nevojat tuaja bazike për lojëra dhe filma, transmeton Lajmi.net.

Në brendësi Ativ One 7 ka 1TB hapsirë për ruajtjen e të dhënave dhe 4 porte për USB dhe një lexues të SD kartave me sistemin operativ Windows 8.1 të futur në të.

Ativ One 7 do të fillojë të shitet në mes të vitit 2015 dhe do të kushtojë $1,299.

Quote:burimi: lajmi.net

eSportsKosova ju uron te gjithve nje vit te ri sa me te mbar fat dhe shendet ne jet te gjithve, shpresojm qe viti 2015 te jet nje vit shum me i mir se sa ky qe po lem pas.

GËZUAR