[youtube]http://www.youtube.com/watch?v=7aTnBRlYz9I[/youtube]

[youtube]http://www.youtube.com/watch?v=rIu5B3Fsstg[/youtube]

Kaliforni, 27 qershor - Duke vazhduar punën e tranzicionit në interfejsit SATA 6 Gbps të filluar me familjet konsumuese të SSD-ve, OCZ ditë më parë ka prezantuar serinë Deneva 2 të këtyre pajisjeve të dedikuar për blerësit enterprise për integrim në serverë. Disqet bazohen në procesorët SandForce SF-2000, natyrisht në versionet e përshtatura për këto rrethina, dhe për këtë arsye janë të aftë për 80.000 random 4 kB operacione në sekondë dhe bandwidth potencial deri 550 MB/s. Po ashtu janë të ndërtuar edhe me çipa të posaçëm enterprise-grade MLC Flash NAND me qëndrueshmëri dhe jetëgjatësi të shtuar, ndërsa OCZ u ofron blerësve edhe fleksibilitet në përzgjedhjen e interfejsit, duke përfshirë PCIe, edhe pse modelet bazike janë në disponim në paketimet 2,5”, 3,5” dhe 1,8” për integrim në blade serverë high-density.

Tani për tani nuk dihet çmimi i këtyre disqeve, edhe pse do të duhej të ishte konkurrente kur kihet parasysh zgjedhja e çipave eMLC.

New York, 27 qershor - Toshiba në fillim të korrikut në SHBA nis shitjen e kompjuterit all-in-one, DX1215 me ekran të ndjeshëm në prekje. Ekrani ka diagonale prej 21,5 inçësh dhe HD rezolucion të plotë, ndërsa Toshina në paket liferon edhe Bluetooth tastierën dhe miun pa tela.

Kompjuteri hardverikisht bazohet në procesorët Sandy Bridge të Intelit, Core i5 dhe i7 dhe ka disk me 1 TB, DVD rekorder, dy porte USB 3.0, dalje HDMI, TV tuner dghe stereo altoparlantë të integruar të kompanisë Onkyo. Çmimi do të duhej të jetë 930 dollarë.

Kaliforni, 27 qershor - Në konferencën për superkompjuterë, AMD ka demonstruar procesorët serverikë të pritur gjatë nga familja Interlagos, të bazuar në mikroarkitekturën e re Buldozer, për herë të parë ç’prej se ishin paralajmëruar. Demonstrimi u bë në makinën serverike Supermicro 1U me dy socketë, në të cilën ekzekutohej softueri POVray. Edhe pse të dhënat për performansat e makinës nuk u dhanë (ndërsa AMD nuk lejoi incizimin e brendisë), vizitorët mundën të shohin 32 bërthama në vepër se si “thyejnë” algoritmin RayTracing.

Prezantimi komercial i procesorëve të rinj të cilët do të përfundojnë në serinë Opteron 6200 pritet në korrik ose shtator, dhe më pas do të prezantohen edhe modelet Valencia me gjashtë bërthama.

AMD shpreson shumë në serinë e procesorëve Opteron 6200, pasi që kanë humbur një pjesë të tregut serverik për shkak të pamundësisë që me performansa të garojnë me Xeonët e Intelit. AMD beson që blerësit do të njohin përparësitë e më shumë bërthamave me frekuencë të ulët në krahasim me frekuencat e përgjithshme më të larta ët procesorëve.

Sipas reagimeve të para të industrisë, ku modelet Interlagos janë përzgjedhur për disa konfigurime superkompjuterike, pritjet e AMD-së nuk janë edhe aq të pabaza.