VALA me 4G (LTE) deri në fund të vitit

[MARCIAL]

• Posta dhe Telekomi i Kosovës ka nënshkruar sot kontratën për implementimin e teknologjisë 4G (LTE), me dy kompani prestigjioze, Alcatel Lucent dhe Nokia Solutions Networks.
  
  Me implementimin e kësaj teknologjie, më moderne në rajon, do të avancohen shërbimet e komunikimit të të dhënave, duke plotësuar kërkesat e konsumatorëve për internet më të shpejtë, shikimin e videove dhe muzikës në paisjet e tyre mobile dhe shumë avancime të tjera.
  
  Teknologjia 4G (LTE) do tu mundësojë konsumatorëve të Vala shpejtësi komunikimi të të dhënave deri në 100 Mbps, apo 5 herë më të madhe se shpejtësia aktuale në teknologjinë 3G dhe së paku 50 herë më të madhe se shpejtësia aktuale në teknologjinë EDGE/GPRS.
  
  Implementimi do të nis menjëherë dhe shërbimet e teknologjisë 3G do të ofrohen për konsumatorët e Vala-s duke filluar nga muaji shtator dhe ato 4G LTE nga fundi i këtij viti; fillimisht në qendrat urbane për të vazhduar më tej me mbulimin e 85% të vendbanimeve të Kosovës deri në gjysmën e pare të vitit 2015.
  
  Investimet e tilla si ky sot do të rrisin edhe më shumë interesimin e konsumatorëve për shërbimet tona. Ky është moment historik për zhvillimin e operatorit mobil VALA, pasiqë do të jemi ndër operatorët e parë në rajon që po sjellim shërbimin 4G për gjithë konsumatorët.
  
  “Orientimi strategjik i kompanisë me biznes planin aktual është që nga një operator i fokusuar tek të hyrat nga zëri të kalojmë në një operator për ofrimin e shërbimeve për transferim të shpejt të të dhënave, këtë po fillojmë ta realizojmë sot,” pohon Kryeshefi i PTK, Ejup Qerimi.
  
  “Një falënderim i veçant për arritjen e këtij suksesi u takon punonjësve të PTK të cilët e kanë planifikuar deri në detaje këtë projekt madhor i cili që nga sot hap një dritare të re të zhvillimit të VALA-s”, tha kryeshefi i PTK SH.A.
  
  Kompanitë nënshkruese të këtij projekti Alcatel Lucent/Cacttus dhe Nokia Solutions Networks, zotohen se implementimin e këtij projekti do ta bëjnë në kohë rekorde dhe se nuk do të ketë asnjë vonesë, ndërsa me këtë projekt konsumatorëve të VALA do tu sjellin shërbime ultra-broadband.

[copyright=http://lajmi.net/vala-me-4g-deri-ne-fund-te-vitit_100071689.html]lajmi.net[/copyright]

[iceboy]

edhe per 2012 thojshin qe 3G ka m'u perhap n'kejt kosov se shpejti, po hala njerzia me 2.5G ose GPRS kejt! S'osht mir me dal me ksi publikime operatori kryesor i kosoves! Nermal, kom qef me bo 5G, jo 4! Po problemi osht qe duhet mi pa senet realisht e jo me ia bo qefin veti.

[̶H̶e̶n̶t̶a̶i̶]

edhe nese e bojn ska mja vlejt, tu marr parasysh cmimet e sherbimeve tjera qe i ka.

[4LBBiG.]

Per 4G jom pak n`dilem a i ka pajisjet e duhura vala per me shpernda rrjetin. Per ndryshe kish me kon ni arritje e madhe se pi t`parav n`ballkan pe bjen 4g.