Samsung Series 5 Ultra

[FidanSH]

Samsung paraqiti linjën e ultrabookëve Series 5 Ultra. Për momentin janë në dispozicion dy modele, njëri me diagonale të ekranit prej 13, dhe i dyti me 14 inç, që të dy kanë shtëpizë nga alumini.

Derisa modeli më i vogël me trashësi të shtëpizës prej 15 mm dhe peshën prej 1.4 kg parimisht hyn në definicionin e ultrabookut, e njëjta nuk mund të thuhet edhe për modelin më të madh shtëpiza e të cilit mat trashësinë prej 21 mm, ndërsa peshon 1.81 kg. Me modelin më të vogël mund të porositet disku prej 500-gigabajt, e me modelin më të madh ai prej një terabajt, por portativët mund të blihen edhe SSD-në prej 128-gigabajt. Kompjuterët shiten me procesorët Core i5, me 8 GB RAM, e me modelin më të madh mund të zgjidhet edhe sistemi optik, dhe grafika Radeon HD 7550M.

Dërgesat në tregun e Koresë fillojnë kah fundi i muajit. Çmimet e përllogaritura të modelit 13-inçësh do të shkojnë prej 1,100 deri në 1,300 dollarë. Modeli më i madh 15-inçësh do të shitet prej 1,170 deri në 1,350 dollarë. Shitja ndërkombëtare për momentin nuk është paralajmëruar. /Telegrafi/