Ja ku po vjen Firefox 6

[iceboy]

Versioni 5 ishte lëshuar më 20 korrik, ndërsa tani është koha për të kaluar në versionin e ri të shfletuesit Firefox: Firefox 6 tani është i gatshëm për përdorim.

Çfarë duhet të prisni nga ky version i ri? Mos pritni shumë ndryshime në ndërfaqe. Ndërfaqja e përdoruesit ka mbetur e njëjtë në shumicën e pjesëve, ndërsa ndryshimet më të mëdha po ndodhin prapa skenës. Ndryshimi më i madh në pamje është që shiriti i adresës tani thekson domeinin e uebfaqes që ju jeni duke e vizituar. Është shtuar mbështetja për versionin e fundit të WebSocket, po ashtu edhe funksionimi i mirëfilltë kur është puna për shumë taba të hapur njëkohësisht. Është edhe shtesa e veglës së re për leje që do t’ua mundësojë përdoruesve një kontrollim më të mirë të informatave që ruhen nga uebfaqet (fjalëkalimet, uebfaqet e vizituara më parë etj.).

Nëse jeni dashamirës i shfletuesit Firefox, atëherë do të ishte mirë që ta provoni verisonin e fundit. Ja lidhja për Windows 32-bit dhe ja lidhja për X64. Ja edhe versionet për Mac dhe Linux./pcworldalbanian