Kompjuter brenda një mausi?

[BR3ACKER]

Disa zhvillues polak kanë krijuar një kompjuter tepër kompakt i cili është aq i vogël sa mund të futet brenda një mausi, raporton My BroadBand. Ky krijim quhet ndryshe ‘The Mouse Box’. Kjo do të thotë se që nga ky moment nuk është e nevojshme që përdoruesi të mbajë disa pajisje të rënda për të pasur kompjuterin e tij me vete. E Vetmja gjë që duhet është ky maus dhe një ekran kompjuteri.



The Mouse Box ka një proçesor 1.4GHz ARM, 128GB memorie, lidhje WiFi dhe një port HDMI për tu lidhur me monitorin. Ai ka gjithashtu 2 porta USB 3.0, një giroskop dhe akselerometër. Akoma nuk është e qartë se cili sistem operativ do mund të përdoret në këtë mini kompjuter por është mëse e qartë që me opsionin Wi-Fi dhe 128GB ai mund të mbaje programe të shumta. Ky produkt është akoma në fazën e prototipit dhe skuadra është në kërkim të fondeve për ta bërë realitet këtë krijim. Çmimi nuk është bërë i ditur po sipas zhvilluesve kjo do të jetë një pajisje shumë e lirë dhe do të bëhet e disponueshme globalisht.

Burimi: pcworld.al