Rrjedhin fotot e Puccinit të HTC-së

[iceboy]

Në internet kanë gdhirë fotografitë e tabletit të ri të HTC-së me emrin e koduar Puccini. Bëhet fjalë për tabletin e ri të HTC-së me diagonalen më të madhe.

Puccini ka ekran 10-inçësh me rezolucion 1280 x 800 pixelë me përkrahje për futjen e të dhënave me gisht dhe laps. Sipas informatave të mëhershme, tableti do të duhej të ketë procesor dybërthamësh 1,5 GHz, grafikë Ardeno 220, kamerë të pasme me rezolucion 8 megapixelë dhe përkrahje për rrjetet LTE.

Nga fotografia shihet se si tableti, të paktën në tregun amerikan, do të duhej të gjendej në ofertën e operatorit mobil AT&T. Shitja do të duhej të fillonte deri në fund të verës./ipko.net