Fluturimi nga Parisi në Tokio në dy orë e gjysmë në bordin e një avioni hipersonik, më i shpejtë se ai supersonik dhe pa ndotur ambjentin, mund të bëhet realitet në vitin 2050. Është ky projekti i gjigandit evropian EADS, që ka paraqitur një model avioni të gjatë katër metra në Sallonin Aeronautik të Le Bourget, pranë Parisit, ku ishte i pranishëm edhe presidenti francez Nicolas Sarkozy.

ZEHST, ose Zero Emission High Speed Transport, është projekti i parë operativ i avionit hipersonik pas Concorde, supersoniku i famshëm franko-britanik që më 25 korrik të vitit 2000 u rrëzua në aeroportin Charles de Gaulle vetëm pak minuta pas ngritjes dhe në 2003-shin doli nga qarkullimi. Pamja e ZEHST, që do të mund të transportojë deri në 100 persona në kohë rekord, por jo para se të kalojnë 40 vjet, të kujton pikërisht Concorde nga krahu në formën e delta-s. /shqiperia.com/

Quhet TWR (through the wall-përtej murit), peshon më pak se 3 kilogramë dhe është një radar portabël në gjendje të shohë përtej mureve. Objekti në fjalë mund të përdoret për qëllime civile, si për shembull për lokalizimin e të bllokuarve nën rrënojat e një ndërtese, apo për shërbime ushtarake, në aksione kundër terrorizmit.

Objekti është prezantuar nga SELEX, një shoqëri italiane, që e ka prezantuar në sallonin ndërkombëtar të hapësirës ajrore në Paris. Radari mundëson zbulimin imediat të qënieve njerëzore pas mureve të cimentos, duke sjellë shikimin e frymëmarrjes për të verifikuar nëse janë gjallë, si dhe lëvizjet e tyre. Gjithashtu, ai mundëson shikimin e planimetrisë së një ndërtese, duke pasur një reze zbulimi prej 160 gradësh. /shqiperia.com/

Një violinë e rrallë e mjeshtrit Stradivari, që dikur i përkiste mbesës së poetit anglez Lord Byron u shit për një shifër rekord prej 15.9 milionë dollarë në një ankand bamirësie për mbledhjen e fondeve në ndihmë të Japonisë të prekur nga katastrofa natyrore e 11 Marsit. Violina e prodhuar në vitin 1721 u ble nga një ofertues anonim për një vlerë 4 herë më të lartë nga rekordi i mëparshëm i vendosur në shitjet e produkteve të mjeshtrit italian.

Të ardhurat nga kjo shitje do të shkojnë në ndihmë të Japonisë nëpërmjet fondacionit Nippon për tërmetin dhe Fondit në Ndihmë të cunamit. Violina me emrin "Lady Blunt" u ofrua për shitje nga fondacioni Nippon për muzikën, që konsiderohet të jetë pronar i instrumenteve më të përkryera në botë të prodhuara nga Stradivari dhe Guarneri.

Organizatorët e ankandit thanë se shitja regjistroi një interes shumë të lartë në mesin e ofertuesve. Instrumenti që u shit, për 30 vite me radhë ka qenë në pronësi të Lady Anne Blunt, mbesa e Bajronit. Kjo violinë është një nga 600 violinat, violat dhe violinçelat që vazhdojnë të ekzistojnë të prodhuara nga dora e Antonio Stradivari. Hera e fundit që ajo u shit në publik ishte viti 1971, dhe në ato momente theu rekordin e 84 mijë paund. /shqiperia.com/

A keni ëndërruar ndonjëherë të merrni hak ndaj një makine sportive që nuk ia shihni as targat kur iu parakalon? Shihni këto foto dhe kënaquni. Kjo Porsche 911 është e mbushur me plot 10 mijë plumba. Makina ngjyrë argjendi i është dhuruar një klubi armësh në SHBA nga një pasanik, të cilit i kishte ardhur në majë të hundës me problemet që shfaqte ajo. Makina, që kishte kushtuar rreth 100 mijë dollarë, së fundmi kishte pasur një defekt në sistemin e ftohjes e në motorr dhe riparimi do i kushtonte pronarit 16 mijë dollarë. Në vend që ta rregullonte, ai ia dhuroi këtij klubi dhe 140 anëtarët bënë qitje mbi makinë. /shqiperia.com/

A do blinit 5.5 milion euro një celular? Apo do merrnit për 2800 euro një krem kundër rrudhave? Ndoshta kurrë. Por të tjerë njerëz e bëjnë një gjë të tillë. Lexoni më poshtë një listë me disa nga gjërat më të shtrenjta në botë.

-Paketimi i këtij kremi anti rrudhë nga BB Royal është i zbukuruar me kristale Swarovski, me diamante e ar. Çmimi: 2800 euro për 60 ml.

-Një veshje për iPod, e mbushur me 430 diamante të vegjël, kushton 27 500 euro. Ka dalë në ankand nga eksperti britanik i bizhuterive, Thomas Hyerdahl.

-Yje si Anxhelina Zholi e Guin Stefani mund të flenë mbi këtë dyshek të punuar me dorë nga Vividus Cross në Suedi. Çmimi: 60 mijë euro.

-Çdo puthje ia vlen: Kush blen një buzëkuq nga “Kiss Kiss Or& Diamonds”, duhet të paguajë 45 mijë euro.

-Jahti i Roman Abramoviç ka një sistem mbrojtje nga raketat. Nuk ka faj, është jahti më i shtrenjtë në botë. Çmimi: 335 milion euro.

-Një iPhone 4 nuk është i lirë, por një i tillë i veshur me diamante 7.8 karatëshe nga Stuart Hughes kushton 5.5 milion euro.

-Me një çmim prej 2.6 milion eurosh, kjo çantëz Mouawad, e veshur me ar e diamant, nuk do ketë mundësi kurrë të fusë aq pasuri brenda.

-“Red Hot Fantasy Bra” nga “Victoria’s Secret” janë reçipetat më të shtrenjta në botë. 10.5 milionë euro kushtojnë këto copëza të veshura me rubinë tajlandezë.

-Vetëm 10 njerëz në botë kanë mundësi të kenë një parfum “Imperial Majesty” të Clive Christian. Parfumi luksoz me aromë pjeshke kushton 200 mijë euro.

-Vetëm tre copë Bugatti 57SC janë prodhuar në vitin 1963. Nuk është çudi që një model i tillë kushton 28 milion euro.

-Në kopsa ka diamantë, materiali është nga pambuku egjiptian- kjo këmishë shitet nga prodhuesi suedez Eton për 30 mijë euro.

-Sandalet e dekoruara me gurë të rrallë nga Stuart Wietzman kushtojnë 1.4 milion euro. /shqiperia.com/

Puthje në mes të përleshjeve që ndoqën finalen e Stanley Cup për titullin e National Hockey League. Fotografia unike u shkrep gjatë trazirave të shkaktuara nga tifozët e zhgënjyer të Vankuverit, të cilët të mundur nga skuadra e Bostonit, shpërthyen në dhunë në qendër të qytetit, ku dhjetëra makina u dogjën e shumë dyqane u plaçkitën.

Policisë iu desh të përdorte gazin lotsjellës për të ndalur aktet vandale. Fotografi i pavarur Richard Lam ndodhej në vendin ku po zhvillohej ngjarja për të dokumentuar përleshjet, kur vuri re dy veta të shtrirë përtokë. ”Fillimisht mendova se ishin të plagosur, – tha ai. – Vetëm pas pak e kuptova që çifti po shkëmbente puthje në mes të përleshjeve”. Puthja nuk duket qartë, por fotoja ka bërë xhiron e botës brenda pak orësh. /shqiperia.com/

Jane pezulluar nga puna dy punonjese femra, pjese e stafit te personelit te burgut ne Camp Hill, ne jug te Anglise ne ishullin Wight ne gjirin e Southampton-it.

Akuza ndaj tyre eshte organizim festash me baze seksi ne ambjentet e burgut.Sipas Daily Mail, njera nga grate, madje ka edhe nje femije, dhe njekohesisht ka pranuar se ka pritur te denuarin edhe ne shtepine e saj gjate kohes qe ai ka qene me liri dalje.

Nga hetimet del se te dy grate kane ushtruar edhe seks duke shkembyer partneret.

Paraleslisht po hetohet edhe per mundesine e shperndarjes se droges, si dhe futjen e celulareve ne qeli. /kuriozitete.net/

Një studim i bërë nga një ekip ekspertësh nga Evropa ka arritur në përfundim të asaj që shumica e njerëzve veçse e kanë ditur: Leximi i bën mirë trurit.

Neuroshkencëtari Kognitiv Stanislas Dehaene nga Institut National de la Santé et de la Recherche Medicale në Gif-sur-Yvette të Francës, dhe partnerët e tij prej Belgjikës, Brazili dhe Portugalisë, kanë përdorur një Imazhe nga Rezonanca Magnetike (fMRI) për të studiuar trurin e 63 të rriturve. Prej tyre 10 ishin analfabetë, 22 mësuan të lexojnë si të rritur, dhe 31 kanë mësuar të lexojnë qysh prej fëmijërisë.

Shkencëtarët gjetën se truri i të rriturve që mund të lexonin kishte një reagim më dinamik ndaj fjalëve të printuara në regjione të trurit që përpunon informatat vizuale. Ka pasur gjithashtu reagime të ngjashme edhe në zona të trurit që reagojnë ndaj informatave të ofruara përmes zërit.

Subjektet analfabet kanë përdorur zona të mëdha të regjionit të trurit që reagon ndaj imazheve të fytyrave, që është një dallim ndaj subjekteve të shkolluar. Kjo mund të nënkuptojë se njerëzit e shkolluar kanë më pak aftësi në njohjen e fytyrës, dhe eksperimentet janë veçse duke u marrë me këtë çështje për të shikuar nëse kjo është e vërtetë apo jo. /kuriozitet.com/

A e dini se Nr. 1!

A e dini se trafiku në Tokio të Japonisë është aq i dendur, sa një bicikletë është më e shpejtë se makinat në pothuajse c’do udhëtim 50 minuta ose më pak.




-----------------------------------------------------------------------------------------------------------------------------------------------------------------------------------------------------------------------------

A e dini se Nr. 2!

A e dini se mbreti i zemrave në letrat e bixhozit është mbreti i vetëm që nuk ka mustaqe?




-----------------------------------------------------------------------------------------------------------------------------------------------------------------------------------------------------------------------------

A e dini se Nr. 3!

A e dini se Muhamet është emri më i populluar në të gjithë botën?




-----------------------------------------------------------------------------------------------------------------------------------------------------------------------------------------------------------------------------

A e dini se Nr. 4!

A e dini se në Islandë, është fyerje të lësh bakshish në ndonjë restorant?




-----------------------------------------------------------------------------------------------------------------------------------------------------------------------------------------------------------------------------

A e dini se Nr. 5!

A e dini se pothuajse gjysma e gazetave në të gjithë botën publikohen në SHBA dhe Kanada?




/kuriozitet.com/

Pas njeh kohe te gjat qe skom punu ne ps . . provova me e ba qet Logo ju vendosni a o mir a keq