Këto foto të jashtëzakonshme tregojnë se një tufë me lule është simbol dashurie edhe në botën e kafshëve. Një hardhucë mashkull tërheq vëmendjen e një femre me një tufë lule. Pasi pranon lulet, hardhuca femër dhe ajo mashkull formojnë një zemër. Megjithatë jo gjithçka shkon mirë, hardhuca femër rrëshqet, por partneri i saj është gati për t’i zgjatur dorën. Momenti final i dashurisë është kapur nga fotografi Aleksei Timoshenko. /shqiperia.com/

Shpresoj tju pelqej !!!

Rreth 70 përqind e meshkujve thonë se e kanë më të lehtë që të kujdesen për makinën e tyre sesa për shëndetin personal. Në këtë përfundim ka arritur një anketë. Disa meshkujt injorojnë simptomat e sëmundjeve të shërueshme dhe nuk vizitohen tek mjeku për muaj të tërë e madje edhe me vite. Mjekët thonë se statistikat janë të frikshme për shkak se shumë sëmundje mund të trajtohen shumë kollaj përpara se të dalin jashtë kontrollit. /shqiperia.com/

PRAGE- Puthja e parë martesore ka përfunduar fatalisht për një çift të sapomartuar në Pragë, të cilët natën kur e festonin zyrtarizimin e lidhjës së tyre, kanë rënë nga ballkoni. Nusja ka mbetur e vdekur në vend, ndërsa dhëndrri është dërguar me lëndime të rënda në spital. Dhëndri është një 28 vjeçar rus, ndërsa nusja ishte tri vjet më e re nga Lituania. Të dy kanë dale në ballkon që të shkëmbejnë puthjen e parë para të ftuarve, ndërsa puthja e tyre ishte aq e pakujdeshme sa që të dy kaluan mbi kangjellat e ballkonit të katit të tretë. Sipas të dhënave të policisë, alkooli nuk është shkaktar i kësaj fatkeqësie. /shqiperia.com/

Ai quhet James Verone dhe mund të cilësohet pa dyshim një hajdut i veçantë. Ai është prezantuar në një bankë në Karolinën e Veriut dhe i ka paraqitur një pusullë arkëtares, në të cilën shkruhej: “kjo është një vjedhje, më jep një dollar”. Historia e 59-vjeçarit është dramatike në fakt, pasi ai nuk kishte si qëllim grabitjen, por kërkonte të përfundonte në burg. Kjo, për shkakun se ai është i sëmurë dhe ka nevojë të kurohet. Duke qenë se nuk ka para të paguajë kurën, mendoi këtë zgjidhje, në mënyrë që të kurohet falas në burg. Një histori paradoksale, e cila ka mallëngjyer gjithë amerikën. /shqiperia.com/

Për qytetarët serb, Rusia dhe Greqia janë vende mike, ndërsa amerikanët dhe shqiptarët shihen si armiqtë e tyre më të mëdhenj. Kina është vendi më i ri në listën e tyre të miqve. Këto janë rezultatet e një sondazhi të realizuar nga “Belgrade Center for Security Policy” Sipas të dhënave të sondazhit, të publikuar sot në të përditshmen serbe, Blic, asnjë nga vendet e BE-së nuk meriton të quhet vend miqësor. Kroacia e Bosnja dhe Hercegovina dikur në krye të listës së armiqve tani nuk përmenden më si të tillë.

“Çfarë i bashkon Rusinë, Greqinë dhe Kinën, të treja këto vende nuk e kanë njohur Kosovën. Sa i përket Kinës, qytetarët serbë fillimisht admirojnë zhvillimin ekonomik të këtij vendi, politikën e jashtme si dhe pozicionin që ka në botë si një superfuqi” thtë Sonja Stojanoviç, drejtoreshë e qendrës.

Të gjitha vendet që nuk e kanë njohur Kosovën, shihen si miq. Serbët i shohin shqiptarët, amerikanë, kroatët dhe boshnjakët si armiqtë e tyre për shkak të luftës, dhe kujtimeve ende të freskëta. Nga të dhënat e publikaura nga e përditshmja Blic, shumica e qytetarëve kanë refuzuar t’i përgjigjen pyetjes se “Cili vend është miku dhe cili armiku ynë?” /shqiperia.com/

Arkeologet peruan koheve te fundit zbuluan xhunglave te Peruse veriore, dy komplekset me te medha te piramidave te lashta nga 4000 vjet te vjetra, qe mund te jene tempujt me te vjeter te zbuluar ne kete vend. Zbulimi i dy piramidave të lashta në kompleskin pranë qytetit Jaén janë dëshmi të arkitekturës monumentale, mijëra vjet para ardhjes së spanjollëve, të cilat shtrihen përmes Andeve e deri në xhungël.

Dy piramidat, Monte Grande dhe San Isidro, ishin të mbuluara nga bimët, ndërsa banorët e kësaj zone i përdornin ato si deponi të mbeturinave, deri para ardhjes së arkeologëve të cilët filluan gërmimet. Udhëheqësi i ekipit peruan, arkeologu Kvirinjo Olivera, argumenton se tempujt janë vepër e kulturës Brakamoros – e cila ishte pjesë e Konfederatës së fiseve Amazonian që banonin në kufirin aktual të Perusë dhe Ekuadorit. Sipas tij, gjetja e tempujve është unike, jo vetëm për shkak të antikitetit të tyre, por edhe për shkak të lokacionit në të cilin ato gjenden. /shqiperia.com/

Fluturimi nga Parisi në Tokio në dy orë e gjysmë në bordin e një avioni hipersonik, më i shpejtë se ai supersonik dhe pa ndotur ambjentin, mund të bëhet realitet në vitin 2050. Është ky projekti i gjigandit evropian EADS, që ka paraqitur një model avioni të gjatë katër metra në Sallonin Aeronautik të Le Bourget, pranë Parisit, ku ishte i pranishëm edhe presidenti francez Nicolas Sarkozy.

ZEHST, ose Zero Emission High Speed Transport, është projekti i parë operativ i avionit hipersonik pas Concorde, supersoniku i famshëm franko-britanik që më 25 korrik të vitit 2000 u rrëzua në aeroportin Charles de Gaulle vetëm pak minuta pas ngritjes dhe në 2003-shin doli nga qarkullimi. Pamja e ZEHST, që do të mund të transportojë deri në 100 persona në kohë rekord, por jo para se të kalojnë 40 vjet, të kujton pikërisht Concorde nga krahu në formën e delta-s. /shqiperia.com/

Quhet TWR (through the wall-përtej murit), peshon më pak se 3 kilogramë dhe është një radar portabël në gjendje të shohë përtej mureve. Objekti në fjalë mund të përdoret për qëllime civile, si për shembull për lokalizimin e të bllokuarve nën rrënojat e një ndërtese, apo për shërbime ushtarake, në aksione kundër terrorizmit.

Objekti është prezantuar nga SELEX, një shoqëri italiane, që e ka prezantuar në sallonin ndërkombëtar të hapësirës ajrore në Paris. Radari mundëson zbulimin imediat të qënieve njerëzore pas mureve të cimentos, duke sjellë shikimin e frymëmarrjes për të verifikuar nëse janë gjallë, si dhe lëvizjet e tyre. Gjithashtu, ai mundëson shikimin e planimetrisë së një ndërtese, duke pasur një reze zbulimi prej 160 gradësh. /shqiperia.com/

Një violinë e rrallë e mjeshtrit Stradivari, që dikur i përkiste mbesës së poetit anglez Lord Byron u shit për një shifër rekord prej 15.9 milionë dollarë në një ankand bamirësie për mbledhjen e fondeve në ndihmë të Japonisë të prekur nga katastrofa natyrore e 11 Marsit. Violina e prodhuar në vitin 1721 u ble nga një ofertues anonim për një vlerë 4 herë më të lartë nga rekordi i mëparshëm i vendosur në shitjet e produkteve të mjeshtrit italian.

Të ardhurat nga kjo shitje do të shkojnë në ndihmë të Japonisë nëpërmjet fondacionit Nippon për tërmetin dhe Fondit në Ndihmë të cunamit. Violina me emrin "Lady Blunt" u ofrua për shitje nga fondacioni Nippon për muzikën, që konsiderohet të jetë pronar i instrumenteve më të përkryera në botë të prodhuara nga Stradivari dhe Guarneri.

Organizatorët e ankandit thanë se shitja regjistroi një interes shumë të lartë në mesin e ofertuesve. Instrumenti që u shit, për 30 vite me radhë ka qenë në pronësi të Lady Anne Blunt, mbesa e Bajronit. Kjo violinë është një nga 600 violinat, violat dhe violinçelat që vazhdojnë të ekzistojnë të prodhuara nga dora e Antonio Stradivari. Hera e fundit që ajo u shit në publik ishte viti 1971, dhe në ato momente theu rekordin e 84 mijë paund. /shqiperia.com/