Policët me kilogramë të tepërt së shpejti mund të humbin punën, ka paralajmëruar ministri rus i Punëve të Brendshme, i cili udhëheq fushatën për zvogëlimin e numrit të policëve dhe përmirësimin e imazhit të forcave të rendit.

“Policët e shëndoshë” nuk do të arrijnë të kalojnë testet e reja, të cilave do t’i nënshtrohet policët për të treguar aftësinë për punë në polici, ka thënë ministri Rashid Nurgalijev.

Por, përfaqësuesi për media i kësaj ministrie, Oleg Jelnikov, theksoi se testet nuk kanë të bëjnë me peshën, por me aftësitë fizike të kandidatëve, transmetojnë agjencitë. /2tinguj.com/

Një rritës gjarpërinjsh është vrarë nga kafshimi i njërës prej kobrave të tij disa ditë pasi kishte deklaruar se ato kurrë nuk do t’i bënin keq. 45-vjeçari Luke Yeomans pësoi një infarkt në zemër pasi një nga gjarpërinjtë e kafshoi duke i helmuar gjakun. Anglezi gjithmonë këmbëngulte se nuk kishte rrezik qëndrimi i tij me kobrat që njihen si një nga llojet më të rrezikshme të gjarpërinjve. Ai mbante 24 kobra aziatike në shtëpi në këto 30 vitet e fundit.

“Njerëzit mendojnë se jam i çmendur, por unë besoj se kjo që po bëj është diçka e mirë. Po rris këto kobra aziatike sepse janë specie në zhdukje. Kam ndërmend ta rris numrin e tyre në 100”, deklaronte para pak kohësh burri nga Nottinghamshire (Angli).

Shkencëtarët kanë hartuar një listë me vendet që do preken më shumë në rast se tokën do e godasë një asteroid. Ata kanë identifikuar për herë të parë vendet që do kenë më shumë humbje në njerëz ose që do preken aq rëndë sa do jetë e pamundur ta marrin veten. Vendet e zhvilluara janë shumicë në këtë listë, por Kina është gjithashtu për shkak të numrit të madh të njerëzve që do vdesin. Edhe vende të vogla si Suedia janë në rrezik për shkakt të dëmit që do i shkaktohet infrastrukturës.

Lista është hartuar nga Universiteti i Southampton në Britani, sipas një stimulatori kompjuterik të quajtur NEOimpactor. Dhjetë vendet më në rrezik janë: Kina, Indonezia, India, Japonia, SHBA, Filipinet, Italia, Britania, Brazili dhe Nigeria. Vendet me më shumë humbje në njerëz do jenë SHBA, Kina, Indonezia, Japonia e India. Vendet me shkatërrimin më të madh në infrastrukturë do jenë Kanadaja, SHBA, Kina, Japonia e Suedia.

Kërcënimi i asteroideve u bë më i dukshëm të hënën, kur një shkëmb gjigant i kaloi tokës 7500 miljë pranë. Astronomët mbetën të tronditur për shkak se e kishin zbuluar asteroidin disa ditë më përpara pasi deri atëherë kishin menduar se ishte një mbeturinë hapësinore.

1 euro për vizitorët që kërkojnë të vizitojnë në grup ish-kampin nazist të përqendrimit në Schasenhausen në Berlin. Ky është vendimi i kreut që drejton këtë institucion, që ka inatosur deputetët e partive të pozitës në Gjermani, të cilët e kanë kritikuar atë dhe kërkojnë heqjen e menjëhershme. Megjithatë, drejtori i ish-kampit të përqendrimit, që tashmë është kthyer në një muze të kujtesës, thotë se paratë e grumbulluara nga ky rregull do të përdoren për mirëmbajtjen e ish-kampit nazist që vizitohet nga mijëra persona në vit. Sipas këtij vendimi, një euro duhet të paguajnë të gjithë vizitorët në grup, ndërkohë që përjashtohen nga kjo pagesë, studentët, të mbijetuarit e Holokaustit dhe familjarët e tyre.

Ura më e gjatë në botë është afërsisht 42 km. Ura në Jiaozhou Bay në Kinë është e gjerë 33.5 metra dhe kostoja për ndërtimin e saj arrin në mbi 1 miliard euro. Për ndërtimin e saj është dashur katër vite. Ajo është e mbështetur në 5 000 shtylla. Ajo lidh portin e Qingdao dhe ishujt Huangdao. Ura – ka edhe një tunel nënujor – është hapur sot pasi kaloi me sukses testin e sigurisë.

Ura e Jiaozhou është 4 km më e gjatë se ura që mbante rekordin botëror për gjatësinë, Pontchartrain në Louisiana, SHBA.

Prej kohësh njeriu është i bindur se nuk është i vetëm në hapësirë.Disa teori thonë se raca njerëzore është një variacion i jetës jashtëtokësore, që ka lulëzuar në Tokë si koloni. Një teori tjetër është se alienët janë mes nesh të kamufluar si qënie njerëzore në pritje të ditës së tyre.

Studimet e niveleve të ndryshme po përqendrohen në formën e jetës aliene. NASA në një komunikatë njofton për një bakter që eshte në gjendje që të jetoje në situata ekstreme. Bëhet fjalë për një formë jete jashtëtokësore.

Ndërkohë, teoria e fundit e shkencëtarit rus Andreu Finkelstein, thotë se në vitin 2031 do të takohemi me jetën jashtëtokësore. Duhen pikërisht edhe 20 vjet. Sipas Finkelstein, 10 përqind e planeteve në sistemet diellore të galaksisë kanë kushte të ngjashme me ato në Tokë, gjë që e bën prezencën e jetës të mundshme.Studiuesi thotë se "kushërinjtë" tanë kanë formë fizike të ngjashme, por lekurë më ngjyrë të ndryshme.

Po përse pas 20 vjetësh dhe jo më parë? Që prej vitit 1960 studiuesit rusë kanë tentuar të cojnë mesazhe në kozmos, për të pikasur forma jete alienësh. Pas 20 vjetësh, mundësitë teknologjike do të jenë të tilla që edhe format e jetës tepër të largëta të kapin mesazhet tona.

India do bëhet vendi më i populluar në botë duke ia kaluar Kinës në vitin 2025. SHBA-ja do të jetë në pozita të njëjta, në vendin e tretë me 423 milionë (308 milion nga regjistrimi i vitit 2010). Ndërsa përqindja e lindjeve në dy vendet me ekonominë dhe politikën më influencuese në botë, Japoni dhe Rusi do të pësojnë rënie si popullsi pasi nga vendi i 9 dhe 10 do të shkojnë në vendin e 16 dhe 17. Të dhënat dalin nga parashikimet për 228 vendet bërë nga Zyra e Regjistrimit të Popullsisë në SHBA.

Një ndër ndryshimet më rrënjësore do të vijë nga Kina. Rritja e “frikshme” e popullsisë së saj do të pësojë ulje të ndjeshme. Dy vendet që pritet të kenë rritjen e më të lartë të popullsisë deri në vitin 2050 është Nigeria dhe Etiopia. Nigeria ka aktualisht një popullsi prej 166 milion ndërsa pas 40 vitesh ajo do të arri në 402 milion. Kurse popullsia e Etipisë pritet të trefishohet nga 91 milion të arrijë në 278. Ndërsa vendet që pritet të bien në numër janë Rusia që mendohet se nga 139 milion të shkojë në 109 milion.

Kurse në total popullsia e tokës në vitin 2050 mendohet të arrijë në 9.4 miliard.

Një djalë 3-vjeçar është bërë vandali më i ri i Britanisë, pasi policia e zuri duke dëmtuar makinat në një rrugë afër shtëpisë së tij, u raportua ditën e djeshme.

Vogëlushi, i cili është rreth 7 vite poshtë moshës së përgjegjësisë penale, është parë duke sulmuar një varg të automjeteve. Por për shkak të moshës së tij - një fëmijë bëhet përgjegjës për veprimet e tij në moshën 10 vjeçare- policia ishte e pafuqishme të merrte ndonjë veprim.

Ky rast shqetësues vjen disa ditë pasi shifrat shokuese zbuluan se rreth 3,000 kriminelë i shpëtuan dënimit vitin e kaluar pasi ishin shumë të vegjël për tu dënuar.

Në shumicën e rasteve policia nuk mundet as t′i marrë në pyetje, nëse nuk marrin një urdhër urgjent për sigurinë e tyre.

Si rezultat i kësaj, forcat e policisë nuk i regjistrojnë krimet ku besohet se fëmijë nën moshën 10 vjeçare kanë qënë përgjegjës. Kjo ka çuar në kërkesën e uljes së moshës për përgjegjësi penale. /albeu.com/

Adolf Hitler u përpoq të fitonte Luftën e Dytë Botërore me një ushtri qensh që flisnin.

Ky zbulim është bërë nga Dr. Jan Bondeson, një lektor në Universitetin e Mjekësisë së Kardifit në librin e tij “Amazing Dogs”.

Hitleri besonte se qentë ishin po aq inteligjentë sa njerëzit dhe shpresonte që ata të mësonin të komunikonin me gjeneralët SS. Ai ngriti një shkollë që do t’i mësonte qenve të flisnin dhe të lexonin dhe më pas t’i vendoste në kampet e përqëndrimit si roje duke lejuar që ushtarët të përqendroheshin vetëm tek lufta.

“Në kohën e luftës ka pasur disa eksperimente të jashtëzakonshme që janë bërë lidhur me komunikimin qen-njeri. Gjithsesi, nuk ka asnjë provë që këto eksperimente kanë çuar në rezultate konkrete”, shprehet Dr. Bondeson, 49 vjeç. /magjistari.com/