Panasonic paraqet e-lexues me Android

[BAAM]

Panasonic paraqet e-lexues me Android



Lexuesit e librave elektronik nuk janë diçka e panjohur në tregun e teknologjisë informative, dhe prodhues të pajisjeve të këtilla nuk janë të paktë. Por megjithatë në mesin e tyre do të futet edhe një i ri, përkatësisht Panasonic që sapo ka bërë të ditur paraqitjen në Japoni të një lexuesi të ri të quajtur Raboo UT-PB1.

Modeli i ri Raboo UT-PB1 (... ky emërtim po i përshtatet shumë një roboti në Start Wars), veçohet me një ekran 7 inç që sjellë rezolucion 1024 x 600 pikesla, ka 8GB memorie të integruar (prej së cilës vetëm 4.5GB mund të shfrytëzohet për magazinim) dhe ka procesor me dy bërthama (... për libra elektronikë?).

Përveç kësaj lexuesi ka një microSD port, kamerë 1.3 megapikselëshe, Bluetooth dhe WiFi 802.11 b/g/n. Edhe pse bazohet në Android dhe ka një ndërfaqe të veçantë prej Panasonic, lëshimi i aplikacioneve në të duket të jetë mision i pamundur.

Çmimi pritet të sillet rreth 440 dollarë, kështu që më mirë i keni punët të zgjidhni një Amazon Kindle sesa të kërkoni një pseudo-tablet që shërben vetëm për lexim të librave. /pcworldalbanian