Acer do të lansojë laptop me Nvidia Tegra

[BAAM]

Acer do të lansojë laptop me Nvidia Tegra



Sipas informacioneve më të fundit, Acer është duke planifikuar të paraqes disa produkte të reja në treg, duke përfshirë laptopin e parë me një çip Nvidia Tegra 2 Dual-Core, një Ultrabook me bazë në Intel dhe tablet të rinj që veçohen me Android 3.2.

Edhe pse përzgjedhja e Nvidia Tegra është pritur me skepticizëm, disa po thonë se kjo mund t’i ndihmojë Acer’it që të ecë para në garën që është vërshuar me laptop me bazë në ARM.

Windows 8 pritet që të shtyjë para zhvillimet e mëtutjeshme dhe shitjet e laptopëve me ARM, por kjo nuk do të ndodh deri në vitin e ardhshëm, kështu që Acer me Tegra 2, do të jetë i fuqizuar ose nga Android ose nga Linux.

Procesorët ARM, sikurse ata Nvidia Tegra janë të pranishëm në shumicën e celularëve të mençur dhe tabletëve që janë të pranishëm në tregun e ditëve të sotme, por pritet që të fillojnë të kenë një pjesëmarrje edhe në tregun e mikroprocesorëve për PC, ku sipas IDG News Service Intel dominon për më shumë se 30 vite.