HTC Sensation për 500 funta?

[ArlindXh]

Modeli më i ri i telefonit të HTC’së në platformën Android, HTC Sensation, tanimë është i gatshëm për para-porosi në Mbretërinë e Bashkuar, mirëpo përsëri kjo do të thotë se një blerës potencial do të duhet të nënshkruajë kontratë me operatorin e caktuar anglez.

Mirëpo, një rrjetin e dyqaneve Play, modeli HTC Sensation shitet edhe pa kontratë, për një çmim prej 500 funtave, ndërsa data e lansimit të këtij modeli në Play thuhet se është 30 qershori.
Për të gjithë ata që nuk e kanë pasur rastin të kuptojnë karakteristikat e këtij telefoni, atëherë vlen të thuhet se HTC me të vërtet synon të bëjë senzacion në treg.

HTC Sensation posedon procesorin dy-bërthamësh me 1.2GHz, ekran qHD me 4.3 inç, Super LCD, rezolucion me 540 x 960 pikselë, 1GB memorie të brendshme, si dhe mikro SD kartelë dhe 768MB RAM.

Karakteristikat tjera të këtij modeli përfshijnë edhe Android 2.3.3 Gingerbread, HTC Sense UI, plus HTC Watch, lidhje HSPA/WCDMA, Bluetooth 3.0, 802.11 b/g/n WiFi, A-GPS, gyro sensor, G-sensor, kamerë të pasme me 8MB, VGA kamerë dhe kompas dixhital. / Telegrafi /