Viber, 500 mijë shkarkime, çdo muaj

[MARCIAL]

Aplikacioni i famshëm për thirrje dhe SMS i cili bazohet në VoIP, Viber sot ka njoftuar se ka sjell versionin e ri të aplikacionit të saj për desktop dhe Windows Phone 8, ndërsa kalimi edhe në kompjuterët personal duket se e ka popullarizuar edhe më shumë shërbimin tashmë të famshëm.

Versioni i r ii softuerit sjell integrim më të mirë mes Viber Desktop dhe aplikacionit për Windows Phone, si dhe mbështetje të re me ngjitësa, emotikona dhe funksione tjera.

Për më shumë, kompania ka njoftuar se për çdo muaj rreth 500 mijë përdorues e shkarkojnë aplikacionin e saj për WP8.

Në muajin maj, kompania kishte thënë se ka më shumë se 200 milionë përdorues, shumica prej të cilëve vijnë nga platformat mobile si iOS dhe Android, mirëpo së fundmi këtij numri gjithnjë e më shumë poi shtohen edhe ata të kompjuterëve personal. / Telegrafi /