Disku i jashtëm My Book Live me 3 TB

[fl0r]

Western Digital e ka rinovuar linjën e vet të disqeve të jashtme me modelin My Book Live, i cili është në dispozicion me kapacitet maksimal prej 3 terabajt.

Sikurse edhe në modelet e mëparshme, edhe më tej është e pranishme mundësia e lidhjes së diskut në rrjet përmes lidhjes Ethernet.

Ekziston mundësia e ‘streamingut’ të thjeshtë të përmbajtjeve të ruajtura në aparatet kompatibile DLNA, dhe po ashtu, disku ofrohet me softuerin SmartWare. Pesha e diskut është 1.09 kilogram.

Çmimi shitës i My Book Live treterabajtësh në tregun amerikan është 230 dollarë, ndërsa ka garanci dyvjeçare.