eSportsKosova - Gaming Community - Kuriozitete

Hotmail shton ne listen e shteteve edhe Kosoven

Sun, 27 Apr 2025 23:07:40 +0000

Vlen te theksohet se pas nje kohe te gjate pas shpalljes se pavarsise se Kosoves me ne fund edhe 'lexuesi' me i madh i mesazheve e ka njohur Kosoven zyrtarisht.

Video e Ralle (Ushtria Shqipetare ne Kufi me Kosoven) 1999

Fri, 25 Apr 2025 10:58:26 +0000

Video e Ralle (Ushtria Shqipetare ne Kufi me Kosoven) 1999 , ose me mire DIVIZIONI I KUKSIT

Ne minuten 1:38 keni edhe deklaraten e (aso kohe) Ministrit te Mbrendshem te Shqiperise

[youtube]http://www.youtube.com/watch?v=oc57Beuz9gY[/youtube]

Ndalohet kopjimi!

Sa harxhojne familjet ne ushqime, neper bote?

Mon, 21 Apr 2025 14:28:22 +0000

1. Gjermani - $500 ne jave per ushqimin

2. Karolina e Veriut, USA - $341.98 ne jave per ushqimin

3. Japoni - $317.25 ne jave per ushqimin

4. Itali - $260 ne jave per ushqimin

5. Britani e Madhe - $253 ne jave per ushqimin - Mos kan dhe qenin ne tavolin per te ngren keta?!?

6. Kuwait - $221.45 ne jave per ushqimin

7. Meksika - $189.09 ne jave per ushqimin

8. Kaliforni, USA - $160 ne jave per ushqimin

9. Pekin, Kine - $155.06 ne jave per ushqimin

10. Poloni - $151 ne jave per ushqimin

11. Egjypti - $68.53 ne jave per ushqimin

12. Mongoli - $40 ne jave per ushqimin

13. Ekuador - $31.55 ne jave per ushqimin

14. Bhutan - $5 ne jave per ushqimin

15. Kampi Breidjing - $1.23 ne jave per ushqimin!!! {Refugjatet Sudanez ne Cad}

Video e Ralle [Bombardimi i Beogradit] - 1999

Sat, 22 Feb 2025 17:40:52 +0000

Kjo video eshte nga viti 1999, ne diten kur aleanca NATO bombardoi kryeqytetin e Serbise

Rreth 10% e shqipetareve e kane pare kete video

BOMBARDIMI NIS NE MINUTEN E 00:54
[youtube]http://www.youtube.com/watch?v=AYwup7N0q94[/youtube]

Capela dos Ossos, kishëza e frikshme prej eshtrave (foto)

Thu, 30 Jan 2025 15:58:03 +0000

Capela dos Ossos është pjesë e kishës më të madhe Setog Francis, e ndërtuar nga françeskanët në fund të shekullit të 16-të. Ngjashëm me disa kishëza të tjera prej eshtrave të njeriut edhe kjo është e ndërtuar për shkak të problemeve me numrin e madh të varrezave.

Deri në shekullin e 16-të kishte 43 varreza përreth qytetit Evora, në Portugali, të cilat kishin zënë një sipërfaqe të konsiderueshme të tokës. Duke mos dashur t’i dënojnë shpirtrat e të varrosurve me zjarrin e përjetshëm, murgjit kishin vendosur ta ndërtojnë një kishëz dhe në të t’i vendosin eshtrat e të vdekurve.

Mirëpo, në vend se t’i vendosin eshtrat prapa dyerve të mbyllura, murgjit kishin vendosur t’i përdorin ato për “dekorimin” e kishëzës. Ata kishin menduar se në këtë mënyrë do t’i ofronin Evoras, një qytet ky i njohur për pasurinë e tij në fillim të shekullit 16-të, një vend të dobishëm për të reflektuar mbi përkohshmërinë e gjërave materiale.

Mbi derën e kishëzës ata shkruan edhe një porosi: “Nos ossos que estamos aqui, Pelos vossos esperamos”, ose: “Ne eshtrat që jemi këtu, eshtrat tuaja do t’i presim”.

Me eshtrat e rreth 5.000 kufomave kjo kishëz duket e frikshme. Ndërsa skenat më bezdisëse është ajo e dy kufomave të terura të varura në mur, ku njëra prej tyre është e një fëmije.

Në një arkivol të vogël të bardhë anash altarit janë edhe eshtrat e tre murgjve françeskan të cilët e themeluan kishën në shekullin e 13-të.

Në fund të kishëzës, mbi altar, mund të lexohen edhe frazat latine të tilla si: “Unë do të vdes në dritë” dhe “Dita kur të vdes është më e mirë se dita kur jam lindur”.

Burimi: NGJYRA.COM

Top 8 makinat më të fuqishme në botë

Wed, 25 Dec 2024 14:50:54 +0000

Ka shumë lloje të makinave në ditët e sotme Ja disa nga ato:

Vetura – Koenigsegg One

Ajo prodhon 1359 kuaj fuqi me motorin V8. Arrin nga 0 në 400 km/h për 20 sekonda. Në atë është futur teknologjia e fundit dhe pjesët e saj janë bërë me një printer 3D. Tani për tani ka vetëm gjashtë të tilla dhe çmimi i tyre ende nuk është zbuluar.

Aeroplan mallrash

Më i madhi, më i gjeri dhe më i fuqishmi nga avionët e mallrave në botë është nga Ukraina dhe është Antonov An-225 Mriya, i cili është 18 metra i lartë dhe ka një hapje të krahëve prej 84 metrash.

Lëvizjen e tij e mundësojnë gjashtë motorët Ivchenko Progress D-18T, duke i dhënë aeroplanit një shtytje maksimale të kombinuar prej 140.580 kilogram-fuqi.

Ky përbindësh ka një peshë prej 640 ton dhe mund të arrijë 850 km/h.

Aeroplan i pasagjerëve

Kapaciteti i tij është deri në 853 njerëz. Ai është Airbus A380, aeroplani më i madh dhe më i fuqishëm komercial për momentin në botë.

Arrin 970 km/h dhe ka një hapje të krahëve pothuajse 80 metra.

Teleskop

Teleskopi më i madh dhe më i fuqishëm në botë është VLT, i cili menaxhohet nga Observatori Evropian Jugor, dhe është i vendosur në shkretëtirën Atacama në Kili.

Ai përbëhet nga katër teleskopët optikë (Antu, Kueyen, Melipal dhe Yepun) ku secila ka pasqyrë primare prej 8.2 milionësh me një kapacitet prej 4 miliardë herë më shumë se syri i njeriut.

Mikroskop

Peshon 7 ton dhe është 4,5 metra i lartë. Quhet STEHM dhe është krijuar nga Universiteti i Viktorias në Kanada, me një kosto prej 9.200.000 dollarësh.

Ai ka një rezolucion rreth 20 milionë më të fuqishëm se syri i njeriut.

Kompjuter

Ai është në Kinë dhe quhet Tianhe-2.

Është krijuar dhe zhvilluar nga një ekip prej 300 shkencëtarësh dhe inxhinierësh nga Universiteti Kombëtar i Mbrojtjes dhe Teknologjisë i ndihmuar edhe nga Universiteti Sun Yat-sen.

Shpejtësia e përpunimit te tij është 33,85 petaflops (pothuajse 34 milionë gigaflops) dhe një memorie rreth 1500 Terabytes.

Kostoja e tij është 390 milionë dollarë.

Kamera digjitale

Ajo është e dizajnuar për të regjistruar pamje nga thellësitë më të mëdha në botë ato të cilat janë shumë të gjata.

Quhet DECam dhe merr fotot me një rezolucion prej 570 megapixel dhe ka 74 CCDs (pajisje që konverton foton në informacion digjital).

Ajo është e vendosur në Cerro Tololo Inter-American Observatory në malet Andes në Kili.

Anije

Anija më e madhe në botë është Triple E. Dimesionet e saj janë 400 metra e gjatë dhe 59 metra e gjerë dhe 14 metra e thellë.

Ajo është ndërtuar në Koren e Jugut dhe ka një ka motor 32 MegaVat (43.000 hp).

Motorët e anijes janë të dizajnuara me një sistem “Binjak-Helikash” pra dy motorë dhe dy helika(flutura) të gjatë 9,8 metra nga 4 tehe.

Ata janë të prodhuar nga Mecklenburger Metallguss GmbH në Gjermani dhe peshojnë 70 ton secili.

Perse Alienet jan Jeshil ?

Sat, 21 Dec 2024 12:28:18 +0000

Kush vendosi që Alienët të jenë me ngjyrë jeshile ? Për ta zbuluar duhet që të kthehemi shumë vite pas në kohë.
Prezantimi i parë me alienët ka qënë në romanin fantastiko-shkencor të Edgar Rice Burroughs me titull ” Nën hënën e Marsit ” në vitin 1912. Në këtë roman autori gjatë të tjerave na tregon dhe për disa qënie humanoide me ngjyrë jeshile dhe me përmasa ndryshe nga ato njerëzorë.
Autori me prezantimin e alienëve në këtë mënyrë ka dashur që të ngjall pak frikë në roman kundrejt humanoidëve të planetit Mars.
Në ato vite nuk ishte përfolur akoma për ndonjë specie tjetër në sistemin tonë diellor dhe për këtë arsye Edgar Rice Burroughs në romanin e tij u mundua që të paraqistë një krijesë tjetër e cila jetontë në planetin Mars dhe që shumë shpejt pritej që të pushtonin token. Por ky fakt mbeti thjeshte një roman fantastiko-shkencor. Ky ishte dhe momenti i parë që njerëzimi u vu në kontakt me disa supozime për krijesa te tjera në sistemin tonë djellor.

[youtube]http://www.youtube.com/watch?v=M6ZwZpn4M-0[/youtube]

Ky eshte lumi me i bukur ne bote!

Fri, 20 Dec 2024 18:10:26 +0000

I njohur si lumi më i bukur në botë “Lumi me pesë ngjyra” ndodhet në Kolumbi dhe cilësohet si një çudi e vërtetë biologjike. Në pjesën më të madhe të vitit është i papërshkueshëm për shkak të rrymave të rrëmbyeshëm dhe thuhet se është lumi që rrjedh nga parajsa për shkak të bukurisë së tij.

Zakonisht lumi është quajtur më shumë emra si “Lumi pesë ngjyrësh”, “Lumi që të dërgon në Parajsë”, “Lumi më i bukur në botë”, për shkak të ngjyrave të tij mahnitëse. Gjendet në Kolumbi dhe është një lum tejet i bukur. Njihet me emrin Cano Cristales dhe ka katër ngjyra, përfshirë të verdhën, të gjelbërten, të kaltërtën, të zezën dhe në mënyrë të veçantë dominon e kuqja.

Lumi Cano Cristales është konsideruar si një ndër lumenjtë më të bukur në botë. Ujërat spektakolare të tij janë kthyer në një kaleidoskop gjyrash në sajë të bimëve të ujërave të ëmbla të njohura si “clavigera macarenia”, emër i marrë nga Sierra de la Macarena, një varg malor në jug të kryeqytetit Bogota.
Gjatë kohës së shkurtër mes sezonit të lagësht dhe të thatë, nga korriku deri në nëntor, së bashku me myshkun, bimët ujore dhe koralet, bimët e kuqe kapen pas shkëmbinjëve përgjatë gjithë lumit 62-milje të gjatë dhe ndihmon në krijimin e një bashkimi ngjyrash nën sipërfaqen e ujit.

Formimi gjeologjik i lumit është i pasur me sediment dhe shkëmbinjtë janë rreth 1.2 miliardë vite të vjetër. Megjithatë, për një periudhë të shkurtër kohe çdo vit, lumi vjen në jetë në një shpërthim të gjallë të ngjyrave.

[youtube]http://www.youtube.com/watch?v=xQrqil2BRqw[/youtube]

Vendi i lumit u mbyll në mënyrë efektive për turistët për disa vite për shkak të veprimtarisë guerile në rajon së bashku me shqetësimet për ndikimin e trafikut turistik të parregulluar.Ajo u rihap për vizitorët në vitin 2009, dhe sot ka disa agjenci kolumbiane turistike që i të marrin vizitorët nga një turne për udhëzim të zonës.

12 variante: Ja nga do i vijë fundi botës

Thu, 19 Dec 2024 19:38:22 +0000

Botës tonë do i vijë fundi- kjo dihet me siguri. Por se kur do të ndodhë dhe çfarë do e shkaktojë, kjo nuk është debatuar ndonjëherë.
Ndaj një raport i përgatitur nga Global Challenges Foundation ka zbuluar se cilët janë 12 variantet prej nga do të vijë fundi i botës.
Studimi është përgatitur në bashkëpunim me Institutin për Njerëzimin në Universitetin e Oksfordit.

Më poshtë 12 variantet:

-Ndryshimet klimaterike: Me një rritje temperaturash prej vetëm 4 gradë ose më shumë, do ketë thatësira, uri dhe trazira sociale në shumë rajone. Në raport thuhet se këto ndryshime mund të sjellin kolapsin e njerëzimit.

-Armët bërthamore: Edhe pse rreziku është ulur ndjeshëm që pas Luftës së Ftohtë, sërish lufta atomike nuk përjashtohet. Se sa shpejt ndryshojnë gjërat, e ka treguar situata në Ukrainë.

-Sëmundjet: Një pandemi mund të sjellë fundin e njerëzimit. Viruset ndryshojnë shumë shpejt dhe mund të kthehen në një vrasës global. Për shkak të lëvizjeve të shpeshta të njerëzve, rreziku është më i madh.

-Katastrofat ekologjike: Dikur ekzistonte frika e madhe nga “vdekja e pyjeve”. Për fat akoma kjo frikë nuk është materializuar. Megjithatë njerëzit po e sulmojnë gjithmonë e më shumë ekosistemin global.

-Rënia e sistemeve globale: Se sa të paqendrueshme janë tregjet financiare, e mësuam në vitin 2008. Për shkak të lidhjes shumë të ngushtë mes bankave, sipërmarrjeve dhe shteteve, rreziku për një kolaps global është shtuar ndjeshëm.

-Asteroidët: Ky është skenari klasik i fundit të botës. Por është një rrezik i provuar. 65 milionë vjet më parë asteroidi rrënoi dy të tretat e jetës në planet dhe zhduku dinosaurët.

-Supervullkani: Kur një mal ka poshtë tij mijëra metra kub me nxehtësi, atëherë flitet për supervullkanin. Hiri i tij mund të errësojë planetin dhe të ulë ndjeshëm temperaturat. Nga një shpërthim i tillë në Sumatra para 70 mijë vitesh, mbijetuan shumë pak nga paraardhësit tanë. Një shpërthimi i tillë sot do ishte apokaliptik.

-Vrasës nga laboratori: Biologjia sintetike shihet si një nga vrasësit më të mëdhenj në planet. Bakteret apo viruset e modifikuara gjenetikisht, nuk do ishin një rrezik vetëm për njerëzit, por edhe për kafshët e bimët.

-Nanoteknologjia: Me të mund të arrihen shumë gjëra, paralajmërojnë shkencëtarët. Por një skenar janë edhe disa makina të vogla, Nanobots, që mund të gjuajnë çdo gjë të gjallë në planet. Nëse do përdoret për armatim, mund të jetë fatale.

- Kompjuterët dhe robotët: Këta po bëhen gjithmonë e më të pranishëm në shoqëri. Por inteligjenca e lartë e tyre mund të mos kontrollohet në një të ardhme të afërt.

-Një rrezik i panjohur: Kurrë nuk mund të parashikosh të ardhmen. Ndaj është e vështirë të bësh prognoza. Ndaj një variant është një rrezik krejt i panjohur.

-Lufta: Konfliktet vazhdojnë të shkatërrojnë pjesë të tëra të planetit. Aty ku kishte një shtet, tani ka separatistë apo ekstremistë fetarë. Ndaj lufta mbetet një rrezik i madh për t’i dhënë fund njerëzimit.

10 rekordet Gines me te cuditshme ne bote nder vite

Sun, 15 Dec 2024 15:45:41 +0000

Rekordet boterore janë të panumerta, edhe me të shumtë në numër personat që i mbajne ato. Jo më kot është krijuar libri “Guinness” i rekordeve botërore, ku çdo vit regjistron gjithçka të re dhe te paarritur më parë në çdo fushë të jetës.

Njerëzit bëjnë gjithfarë çmendurish, prandaj kjo është një ndër temat më të gjëra në botë. Mbledhja e këtyre rekordeve është një sfide më vete. Ekzistojnë me qindra mijëra rekorde botërore të çuditshme dhe mahnitëse, dhe seleksionimi i tyre kërkon kohë dhe mundim.

Për një rekord të vënë në botë, ekzistojnë me qindra të tjerë të padokumentuar. Revista “Neatorama” ka listuar 10 rekorde botërore më të çuditshme ndër vite, duke lënë prapa shumë të tjera. E mrekullueshme është makina më e madhe në botë, 4X4, i cili është fare normal, me përjashtim të gomave gjigande të perdorura nga ushtria amerikane në vitet ’50 për transport.

1. Makina më e madhe në botë

Ky mjet është ndërtuar nga Bob dhe Marilyn Chandler, nga st. Louis, Misuri. “Bigfoot #5” është krijuar në verën e vitit 1986, me qëllimin e vetëm për të shfrytëzuar rrotat e gjata “Firestone Tundra”. Fillimisht rrotat janë përdorur për trenin e tokës në Alaskë, nga ushtria amerikane në vitet ’50. Automjeti sot qëndron në muzeun në St. Louis.

2. Aeroplani i vetëm dhe me i madh që është ngrënë Michel Lotito

i njohur më mirë si Monsinjor Mangetout, apo “zoti që i ha të gjitha”, është një tip normal, me përjashtimin e vetëm se ha gjithçka, që nga metali dhe deri tek xhami. Ai është mbajtësi i rekordit për vaktin më të madh të ngrene ndonjëherë, një aeroplan “Cessna 150”. Muri i stomakut të tij është sa dyfishi i normales dhe prodhon një lëng që tret gjithçka.

3. Mobilja më e shpejtë në botë

Ky divan përveçse është i rehatshëm, është edhe i shpejtë, duke iu dërguar ku të doni ju. Mobilja konsiderohet një mjet i ligjshëm rrugor, pasi ka targe dhe mini motor. Është i pajisur me një mbulese leopardi, mbajtësen e picës në rolin e timonit, frena dore dhe një copë çokollate ku mund të zgjidhni katër marshet e mundshme dhe ka një shpejtësi prej 87 mph.

4. Labirinti më i madh në botë

Fermeri nga North Yorkshire, Tom Pearcy ka krijuar labirintin më të madh në botë, për ndër të 40-vjetorit te “Star Trek”. Labirinti, i cili ndodhet jashtë Jorkut, mbulon 32 akra, ekuivalenti i 15 fushave të futbollit. Është dizenjuar duke përdorur teknologjinë e sateliteve, që do të thote se shtegu ka një distance prej gjysmë metri.

5. Lëkura më elastike në botë

Lëkura më elastike në bote i përket Garry Turner nga Caistor, Lincolnshire, Angli. Ai tërhoqi lëkurën e barkut me një distancë prej 15.8 centimetrash duke u regjistruar kështu në librin “Guinness” të rekordeve. Garry vuan nga një sëmundje e rrallë e quajtur “Sindroma Elhers-Danlos”, një çrregullim i indeve lidhës që ndodhen poshtë lëkurës.

6. Flluska e sapunit më e madhe në botë

Sam Heath, i njohur me mirë si “Sam Sam, burri i flluskes”, vendosi rekordin botëror te më shumë personave të futur brenda një flluske të vetme. Sam perdori një shkop 7 metra të gjatë për të futur 19 persona brenda saj. Në të vërtetë të 19 personat ishin nxënës shkolle, megjithatë flluska është një ndër më të mëdhatë të krijuara ndonjëherë prej tij.

7. Deti artificial më i madh në botë

Kush nuk do ta donte një parajsë të tillë. Për fatin tonë të keq, parku ujor artificial ndodhet në një fushë në Miyzaski, Japoni. Ky park ujor i brendshëm ka një çati të palosshme dhe mot të kontrolluar. Gjithkush mund të shijojë rërën e nxehtë dhe ujin e freskët në shi apo dëborë.

8. Kurnacja më e madhe në botë

Hetty Green ishte një grua e pasur, një ndër më të pasurat në botë, për shkak se nuk shpenzonte asnjë para. Ajo nuk ngrohej kurrë dhe as përdorte ujë të ngrohtë. Vishte vetëm një fustan të zi, nuk i lante duart kurrë dhe hante byrekë që kushtonin 15 cent. Djali i saj i preu dhe këmbën pasi ajo vonoi trajtimin në kërkim të shëbimit shëndetësor falas.

9. Mustaqet më të gjata në botë

India ka shume çudi. Si të mos mjaftonin të tjerat, dy nder personat me mustaqet më të gjata janë indiane. Personi në të majtë është Kalyan Ramji Sain nga Sundarth, Indi, i cili s’e ka hequr mustaqen 3.39 metra që prej vitit 1976. Kurse mbajtësi i rekordit botëror, është Badamsinh Juëansinh Gurjar, mustaqja e të cilit është 4 metra e gjatë.

10. Biskota më e madhe në botë

Kompania “Immaculate Baking Co.” ka pjekur biskotën më të madhe në botë në vitin 2003. Embëlsira është rreth 30.5 metra në diameter dhe peshon 18160 kilograme. Kjo ëshë një foto e ëmbëlsirës e marrë nga 30 metra lartësi. Pika e kuqe në mes është një person që qëndron në qender të biskotes. Për prodhimin e saj janë përdorur me qindra kilogram çokollatë.

10 destinacionet me te lira per pushime gjate 2015

Sun, 15 Dec 2024 11:22:02 +0000

Kur eshte fjala për të udhëtuar, çasti i përshtatshëm është çdo kohë e çdo stinë. I vetmi problem që i pengon njerëzit nga eksplorimi i botës dhe nga vizitat në shtete të ndryshme me arkitekturë të lashtë, gatime interesante dhe bukuri natyrore, është kostoja.

Por jo çdo vend kërkon mijëra dollarë për t’u vizituar, pasi shumë shtete ofrojnë paketa turistike ekonomike ose mundësi të tjera, të cilat mund t’i përballojë kushdo që është mjaftueshëm i guximshëm të ndërmarrë një udhëtim në një vend të panjohur. Pushimet tuaja nuk kanë përse të jenë gjithmonë të shtrenjta dhe luksoze. Nëse ju pëlqen udhëtimi, po aq sa dhe destinacioni, atëherë zgjidhni një nga vendet e mëposhtme për të vizituar dhe do të shpenzoni shumë pak para.

1.Bolivia

Shtëpia e shumë aktiviteteve dhe zonave interesante, ky vend i lirë mund t’ju ofrojë jetesë mbreti me shumë pak nga sa mendoni. Mund të gjeni një vend të mirë për të qëndruar, për t’u ushqyer, për transport dhe madje edhe alkool për më pak se 20 dollarë në ditë.

2.Tajlanda

Tajlanda është përpjekur të rigjenerojë turizmin e vet teksa shumë kompani turistike ofrojnë oferta të shkëlqyera. Përveç hosteleve, turistët mund të marrin një dhomë private me një banjë për më pak se 30 dollarë nata.

3.Greqia

Me gjendjen ekonomike të Greqisë, çmimet janë të ulëta dhe turizmi mund të ndihmojë në grumbullimin e parave që vendasit kanë nevojë. Greqia ka arkitekturë të lashtë dhe bregdet të mrekullueshëm, që është një bonus për ata që duan të kalojnë mirë me pak para.

4.Spanja

Spanja ka probleme të ngjashme me Greqinë dhe i nevojiten disa para nga turizmi. Vendi ka shumë për të ofruar, si dhe ushqim të mirë, histori të pasur me muze e ndërtesa arkitekturore, si dhe bukuri natyrore.

5.Kosta Rika

Me pak dollarë, Kosta Rika mund t’ju ofrojë udhëtimin me avion nga Shtetet e Bashkuara të Amerikës dhe çmimet brenda vendit nuk janë aspak të shtrenjta. Për më tepër që rënia e valutës vendase në krahasim me atë të huaj, do t’ju japë përparësi në lidhje me paratë. Për më tepër, Kosta Rika është një vend shumë i bukur.

6.Vietnami

Mund të udhëtoni për në Vietnam për më pak se 20 dollarë dita dhe do t’ju duhet të bëni shumë aktivitete për t’i shpenzuar edhe aq. Dollari vendas, i njohur si Dong, është në shkallën 1 me 21 190 dongs. Paçka rritjes së turizmit në vitet e fundit, vendi mbetet ende një nga më të lirët dhe më të përballueshmit për të pasionuarit pas udhëtimeve.

7.Rumania

Europa Lindore është shumë e lirë në këto kohë. Mund të gjeni një hostel për vetëm 10 dollarë nata dhe do t’ju duhet të shpenzoni vetëm pak dollarë për një vakt. Çmimet në Rumani janë ngritur së fundmi, por mund të gjeni oferta të mira dhe mund ta përballoni pa vështirësi.

8.Sri Lanka

Vendi i vogël në Veri të oqeanit Indian, është shtëpia e kopshteve botanike, tempujve dhe çajit, duke e bërë Sri Lankën një destinacion shumë të preferuar. Ky vend është më i shtrenjti për sa i përket kësaj liste, por me vetëm 60 dollarë dita mund të shikoni mrekullira dhe do të jeni në gjendje të përballoni të gjitha shpenzimet bazë që ju duhen për udhëtimin.

9.Nepali

Një vend tropikal me ushqim të mrekullueshëm dhe histori të pasur, Nepali është parajsa e atyre që preferojnë të udhëtojnë me çanta shpine. Ai është arratisja perfekte për ata që janë lodhur me furinë e jetës së përditshme, pasi mund të qetësoheni në zona rurale. Çmimet variojnë nga 20-25 dollarë dita.

10.Argjentina

Nëse doni të qetësoheni apo të festoni, ky vend j’ua ofron të dyja mundësitë. Buenos Aires është i mirënjohur për jetën e natës, por mund të vizitoni edhe ujëvarën Iguazu për një ngjitje relaksuese në mal. Mund të qëndroni në vende të lira, të udhëtoni me autobus dhe të ushqeheni me pak para.

Top 10 vendet me te ftohta ne Toke

Sat, 14 Dec 2024 20:29:26 +0000

Ka shumë vende ekstreme në botë, disa prej tyre më ekstreme sesa të tjerat. Ashtu sikurse ka vende me temperatura mjaft të larta, ka gjithashtu vende me tempraturat shumë të ftohta. Ky artikull përshkruan vendet me temperaturën më të ulët në Tokë padyshim më të ftohtat. Nuk do ta besoni por temperatura më e ulët e regjistruar ndonjëherë është shënuar-89,2 ° C, në stacionin kërkimor rus në Vostok, Antarkidë, më 21 korrik të 1983.

10. Rogers Pass - Montana, SHBA

Rogers Pass ngrihet 5610 metra mbi nivelin e detit dhe është i vendosur në ndarjen kontinentale, në shtetin amerikan të Montanës. Rogers Pass është vend i temperaturës më të ftohtë të regjistruar ndonjëherë në Shtetet e Bashkuara të Amerikës. Më 20 janar të 1954, temperatura në këtë vend u shënua -57 ° C, më e ulta, e cila është regjistruar gjatë një valë të ashpër të të ftohtit.

9. Fort Selkirk - Yukon, Kanada

Fort Selkirk është një ish njësi tregtare në Yukon të Kanadasë. Në 1950 ky vend u braktis për shkak të kushteve ekstreme të të ftohtit. Ajo tani është e banuar përsëri dhe është e arritshme vetëm nga ajri pas nuk ka askes apo rrugë nga toka. Shumica e vizitorëve arrijnë atje me anije ose aeroplan.Muaji më i ftohtë është janari dhe temperatura më e ulët është -58.9 ° C.

8. Prospect Creek - Alaskë

Prospect Creek është një qytet shumë i vogël, 290 kilometra në veri të Fairbanks dhe 40 kilometra në juglindje të Bettles së sotme, në Alaskë. Ky vend ka një lloj moti nën-arktik, që do të thotë se dimri mund të zgjasë për një periudhë të gjatë kohore dhe verërat janë shumë të shkurtëra. Kushtet e motit janë edhe më të rënda tani në këtë periudhë , kështu që zona është më pak e banuar. Temperatura rekord më e ulët është regjistruar -62 ° C.

7. Snag – Yukon, Kanada

Snag është një fshat i vogël, i vendosur përgjatë autostradës 25 kilometra në jug të Beaver Creek, Yukon, Kanada. Moti është i ftohtë dhe me ngrica, muaji më i ftohtë është janari dhe temperatura më e ulët është regjistruar -63° C.

6. Eismitte - Grenlandë

Emri Eismitte nga gjermanishtja në shqip do të thotë “qëndra e akullt”. Ky vend është në anën e brendshme të arktikut të Grenlandës, duke qënë se ka akull kudo , është quajtur me të drejtë si kryeqendra e akullt.Temperatura më e ulët e regjistruara është -64.9 ° C.

5. North Ice - Grenlandë

North Ice ishte një stacion hulumtim britanik në Grenlandën e Veriut. Ky është vendi i pestë më i ftohtë në botë. Temperatura më e ulët e regjistruar ndonjëherë është -66 °C.

4. Verkhoyansk- Rusi

Verkhoyansk është një vend i njohur në Rusi për temperatura jashtëzakonisht të ulëta të dimrit. Është një ndër vendet me dallimet më të mëdha të temperaturës në verë dhe dimër, në Tokë. Verkhoyansk është një nga vendet që konsiderohen si poli verior më i ftohtë. Temperatura më e ulët e regjistruar atje, në shkurt 1892, ishte -69,8 ° C.

3. Oymyakon - Rusi

Me një klimë ekstreme subarktike, Oymyakon është i njohur si një nga vendet më të ftohta dhe që është i ngrirë gjithmonë. Në 1924, shkencëtari rus Sergej Sarychev regjistroi temperaturën më të ulët, -71,2 ° C, në stacion e motit në Oymyakon. Kjo është temperatura më e ulët e regjistruar ndonjëherë në një vend të banuar në Tokë.

2. Stacioni Plateau – Antarktidë

Pas Vostok, vendi i dyti më i ftohtë në tokë është Plateau, një stacion hulumtimesh joaktiv. Muaji më i ftohtë është korriku, me temperaturën më të ulët të regjistruar, -84 °C.

1.Vostok – Antarktidë

Vostok është një stacion hulumtim rus në antarktik. Ky stacion ndodhet në polin jugor të Antarktidës. Muaji më i ftohtë është gushti, ku temperatura më e ulët e matur është -89,2 ° C.

Misteri i trekendeshit te Bermudes, ja 3 sekretet e frikshme

Tue, 03 Dec 2024 15:26:05 +0000

Në këtë artikull do të flasim për Trekëndëshin e Bermudës, që ndodhet në Oqeanin Atlantik, në të cilin duke filluar nga 1800-a deri më sot janë zhdukur në mënyrë misterioze të paktën mbi njëqind anije dhe avionë dhe në disa raste është verifikuar që janë gjendur anije ose velierë të vegjël bosh, pa ekuipazh, edhe pse në bordin e tyre gjithçka ishte normale dhe varkat e shpëtimit ishin akoma në vendet e tyre, për këtë arsye nga një anë nuk ekzistonte asnjë motiv që të justifikonte një arratisje të ekuipazhit për arsye urgjence dhe nga ana tjetër prezenca e varkave të shpëtimit tregon se ekuipazhi nuk ishte larguar nga anija me dëshirën e tij për një arsye te caktuar, sepse në këtë rast do të kishte përdorur varkat qe siç thamë, u gjetën aty ku ishin, pa përdorur.Do të fillojmë duke përshkruar disa raste të veçanta dhe të famshme mbi zhdukjen e anijeve dhe avionëve në Trekëndëshin e Bermudës.

Pasi të kemi përshkruar këto zhdukje misterioze, do të marrim në konsiderate disa hipoteza që janë hedhur për t’i dhënë një shpjegim këtyre zhdukjeve misterioze dhe për t’u munduar të zgjidhim misterin e Trekëndëshit ëe Bermudës.Anija e parë e zhdukur në Trekëndëshin e Bermudës për të cilën do flasim është Marine Sulphur Queen, e cila u nis në 2 shkurt të vitit 1963 nga Galveston për në Norfolk. Anija Marine Sulphur Queen duhej të arrinte në Norfolk në 7 shkurt. Por pikërisht në atë ditë, duke parë që anija ishte me vonesë sipas orarit të mbërritjes, Roja Bregdetare dha alarmin.Po të mendohemi mirë, kishte diçka të çuditshme në nxitimin për të dhënë alarmin, sikur ta ndjenin që kishte ndodhur diçka e keqe.

Ndoshta nxitimi i dhënies së alarmit ka të bëjë me faktin se pas transmetimit të dy mesazheve private në 4 shkurt 1963, radioja e bordit të anijes kishte heshtur çuditërisht së transmetuari.Në 8 shkurt, 7 aeroplanë fluturojnë sipër zonës që përfshihet midis Galveston Gjirit të Floridas. Por, edhe me impenjimin e njerëzve që merrnin pjesë në kërkime, nuk u has në asnjë anije, asnjë relike, asnjë njollë dyshuese. Ditën e nesërme u kryen serish kërkime, këtë radhë ëe larg por dhe kësaj here nuk u gjet asnjë anije apo shenjë e dyshimtë.Deri në 13 shkurt u ndërmorën shumë fluturime zbulimi në një sipërfaqe prej 500.000 km2. Zona gjithashtu po inspektohej nga disa anije kërkuese dhe u morën në pyetje kapitenët e shumë anijeve që kishin ndjekur hamendësisht të njëjtën trajektore të anijes së zhdukur. Edhe pse u bënë të gjitha përpjekjet nuk pati asnjë rezultat.

Kjo zhdukje e një anije të madhe ndodhur pranë bregdetit në një zone relativisht të ngushtë dhe pa asnjë sinjalizim rreziku të lëshuar nga anija është një mister i vërtetë. Sipas ekspertëve që u morën me kërkimet, dukej sikur anija të ishte zhdukur papritur pa lënë asnjë gjurmë. Gjëja më e habitshme ishte se zhdukja kishte ndodhur në një zonë të ngushtë në afërsi të bregut dhe shumë e trafikuar nga anijet.Komisioni hetimor i Rojes Bregdetare publikoi një raport shumë të detajuar mbi zhdukjen e anijes. Në këtë raport u arrit në konkluzionin se zhdukja e anijes ishte e pashpjegueshme, edhe për arsyen sepse kushtet e lundrimit dhe ato atmosferike nuk krijonin asnjë rrezik për anijen.Tani do të marrim në konsiderate zhdukjen në Trekëndëshin e Bermudës të Cyclops, një anije e madhe që përdorej për furnizimin e trupave amerikane me bazë në Atlantikun Jugor. Zhdukja e kësaj anije ndodhi në 4 Mars 1918. Anija u nis nga Bahia në 21 Shkurt 1918 drejtuar SHBA-së por që asnjëherë nuk arriti në destinacion. Sinjalizimi i fundit për këtë anije u bë në 4 Mars, ditë në të cilën Cyclopsi ndaloi në portin e La Barbade, por kjo ishte dhe hera e fundit që dikush pa anijen sepse ajo nuk arriti kurrë në Norfolk.

Sipas Komisionit Hetimor që ndërmori hetimet mbi zhdukjen e kësaj anije bëhet fjalë për një zhdukje totale, perfekte, e pashpjegueshme: asnjë SOS, asnjë relikt, asnjë varkë shpëtimi, asnjë dyshim apo provë për të kuptuar se çfarë i kishte ndodhur anijes.Roja Bregdetare lëshoi një deklaratë kuptimplote në të cilën zhdukja e Cyclops u konsiderua si një nga më të mistershmet e të gjitha kohërave në Marinën Bregdetare.Por misteret e Trekëndëshit të Bermudës nuk mbarojnë këtu, përkundrazi, zhdukja e Cyclops është më pak e mistershme se sa ajo që do të lexoni më poshtë.Ne vitin 1881 anija amerikane Ellen Austin dalloi nga lart një velier që po shkonte drejt bregut.

Kapiteni i Ellen Austin urdhëroi afrimin drejt anijes që po përfundonte në breg por të gjithë ngelën të habitur kur vunë re se anija ishte komplet bosh, pa ekuipazh. Si hipoteze e parë menduan se ekuipazhi ishte larguar nga anija nga dallgët, dhe për këtë arsye kapiteni i anijes Ellen Austin transferoi në velier disa nga ekuipazhi i tij, duke u kthyer të dyja njëra pas tjetrës.Natën tjetër papritur u shfaq një mjegull dhe, kur kjo u shpërnda, Ellen Austin u gjet vetëm në mes të detit. Dy ditë më pas velieri misterioz u rishfaq sërish dhe, çuditërisht, dukej sërish sikur nuk arrinte të mbante drejtimin e duhur gjatë lundrimit, edhe pse këtë herë velat ishin të hapura.

Anija Ellen Austin rimorkioi velierin dhe thërritën njerëzit e ekuipazhit që më parë ishin transferuar aty nga Ellen Austin. Për habinë e të gjithëve askush nuk u përgjigj, sepse velieri ishte sërish pa asnjë ekuipazh në bord.Kapiteni i Ellen Austin kërkoi serish vullnetare midis ekuipazhit të tij që të pranonin të shkonin në velierin e rimorkiuar. Këtë herë nuk ishte e lehtë të gjendeshin persona vullnetarë duke qenë se të gjithë ishin të terrorizuar nga zhdukja e ekuipazhit të mëparshëm. Gjithsesi me vështirësi u gjetën persona të tjerë, që fale shumës së parave vënë në dispozicion nga kapiteni, u transferuan në velier dhe vazhduan rrugën sëbashku.Por jo për shumë, sepse shpejt u paraqit e njëjta skenë e tmerrshme. Gjatë natës u rishfaq sërish mjegulla që tmerroi ekuipazhin e Ellen Austin. Mëngjesin tjetër u zhduk sërish, por ditën tjetër përsëri u rishfaq, dhe këtë herë pa ekuipazhin në bord. Atëherë kapiteni i Ellen Austin u dorëzua dhe nuk dërgoi me asnjeri në velierin misterioz duke u bindur se në atë anije diçka e shtriguar kishte ndodhur, një mallkim.

Por në Trekëndëshin e Bermudës nuk janë zhdukur vetëm anije, por dhe një numër i konsiderueshëm aeroplanësh

Rasti i parë i zhdukjes së aeroplanëve që do të marrin në shqyrtim ndodhi në 5 dhjetor të 1945 dhe ka të bëjë me 5 aeroplanë ushtarake Avenger. Këta avionë Avenger u ngritën nga baza e Fort në Florida për një stërvitje por nuk u kthyen më në bazë. Duke dashur të sintetizojmë atë çka ndodhi, duhet të vëmë në dukje pikë së pari që, një orë e gjysëm më vonë pas nisjes së skuadriljes, baza e nisjes kapi një mesazh nga avionët Avenger shumë të habitshëm: pilotët e Avenger-eve komunikuan që nuk shikonin më tokën dhe si rrjedhojë kishin humbur.Ky mesazh është absolutisht i pashpjegueshëm sepse nga një anë avionët ishin akoma afër bazës së nisjes dhe duhet ta shikonin se s’bën, nga ana tjetër qielli ishte i hapur dhe pamja e qartë.

Kontrollori i fluturimit këshilloi kapo skuadriljen që të ktheheshin drejt perëndimit por përgjigjia që i erdhi nga kapo skuadrilja ishte komplet e pakuptueshme. Ai në fakt tha se nuk ishte i sigurtë për asnjë drejtim dhe tha gjithashtu se ngjyra e oqeanit ishte ndryshe nga ajo e zakonshmja.Pas kësaj fraze të pakuptueshme njerëzit në bazën e kontrollit filluan të shqetësoheshin seriozisht, ose më mirë të themi që i kapi paniku përballë kësaj ndodhie të pazakontë. Dukej sikur avionët Avenger kishin përfunduar në një dimension tjetër ku ngjyra e detit ishte ndryshe nga jona. Kaluan minuta të gjata plot me ankth.Pas rreth gjysëm ore kontrollori i fluturimit kërceu nga karrikja kur mori një mesazh të ri jo më pak të pakuptueshëm. Në fakt kapo skuadrilja i avionëve Avenger komunikoi se nuk dinte pozicionin ku ndodheshin avionët dhe mbylli mesazhin e tij me këto fjalë enigmatike: duket sikur jemi… Pas këtyre fjalëve kontrollori i fluturimit humbi çdo kontakt me avionët Avenger dhe ata u zhdukën përgjithmonë.Tani do te flasim për zhdukjen e një tjetër avioni që ndodhi vetëm pak orë pas zhdukjes së atyre Avenger. Dhjetë minuta më vonë nga ky mesazh i pabesueshëm komandanti i bazës dha urdhërin që një hidrovolant Mariner të fluturonte drejt pozicionit të fundit ku ndodheshin avionët Avenger përpara zhdukjes. Hidrovolanti Mariner arriti në aëe pozicion në 1 orë. Marineri dërgoi rregullisht mesazhe shumë të detajuar edhe sepse anëtarët e ekuipazhit ishin ekspertë në këto lloj kërkimesh. Komandanti qëndroi në pritje të mesazheve të reja nga Mariner, të cilat nuk arritën më. Komandanti mendoi se ishin shenjë e mirë, duke interpretuar mungesën e mesazheve me faktin që njerëzit e Mariner ishin duke u marrë me shpëtimin e pilotëve të mbijetuar të avionëve Avenger.Megjithatë me kalimin e orëve komandanti filloi të shqetësohej dhe kërkoi të komunikonte me Mariner por hidrovolanti nuk përgjigjej. Edhe Mariner ishte zhdukur njëlloj si avionët Avenger. Menjëherë u nisën avionë dhe anije të tjera për të kërkuar hidrovolantin mariner, përfshirë këtu dhe një aeroplanmbajtës, por megjithëse kërkimet, u desh të pranohej fakti që dhe Mariner ishte zhdukur njëlloj si Avenger-ët. Këta nuk janë avionët e vetëm të zhdukur në Trekëndëshin e Bermudës: në periudhën midis 1950 dhe 1995 janë zhdukur dhe 20 aeroplanë të tjerë.Pasi kemi përshkruar zhdukjen e anijeve dhe aeroplanëve në Trekëndëshin e Bermudës, do të tregojmë hipotezat që janë formuluar për të shpjeguar misterin e Trekëndëshit të Bermudës.Shumë shkurt mund të themi që hipotezat e hedhura janë 3: hipoteza Atlantida, prezenca në Trekëndëshin e Bermudës të dritareve ekstradimensionale ose dritaresh shumëdimensionale dhe hipoteza që shpjegon misterin e Trekëndëshit te Bermudës nën aspektin e UFO-ve.

Hipotezat mbi Misterin e Trekëndëshit të Bermudës

1. Hipoteza Antlatida
Mbështetesit e hipotezës së Atlantides pranojnë se nga rrënojat nënujore të kontinentit të humbur të Atlantidës dalin disa rreze vdekjeprurëse që sjellin dhe zhdukjen e anijeve dhe aeroplanëve. Thënë ndryshe, sipas këtyre autorëve, midis rrënojave nënujore të Atlantidës gjenden armë që u përkisnin atlantidasve dhe që janë akoma funksionale, dhe momente të caktuara që nuk mund ta dimë kur janë, nga këto armë dalin rreze vdekjeprurëse të cilat shkatërrojnë anijet dhe avionët. Një nga mbështetësit e kësaj teze, David Zink, i ka vendosur përkufizimin këtyre rrezeve si “zjarr kristali” dhe hipotizon që këto armë nga të cilat del zjarri i kristalit, aktivohet kur bëhen bashkë një sërë faktorësh të ndryshëm, në mangësi të të cilave këto armë edhe pse akoma në gjendje të funksionojnë, qëndrojnë jo aktive. Gjithmonë sipas Zink, është gjithmonë ky “zjarr kristali” shkaku i turbullimeve magnetike dhe anomalive gravitacionale që janë ndeshur në Trekëndëshin e Bermudës.Mbështetësit e hipotezës së Atlantidës i japin një rëndësi shumë të madhe profecive të Edgar Cayce, një vegjenti të famshëm amerikan shumë të njohur në SHBA. Edgar Cayce kur kalonte në gjendje transi e kishte zakon të profetizonte gjëra të ndryshme, midis të tjerash dhe disa që kishin të bënin me Atlantidën që ai e quante Poseidonia, që ishte emri me të cilin banorët e kontinentit të humbur quanin Atlantidën. Cayce tregoi se në Atlantidë kishte qytete të mëdha, makina të mistershme që transportonin materien dhe një gur i zjarrtë që ishte në gjendje të kapte dhe përdorte fuqinë e mrekullueshme të energjisë kozmike.Gjithashtu Edgar Cayce formuloi, kur ishte në gjendje transi, një profeci shume preçize në vitin 1940.
Ai parashikoi që një pjesë e rrënojave të një tempulli të Atlantidës, që ndodhej e varrosur nën baltën e Bimini, një ishull pak larg nga Florida, do tëe zbulohej 28 vite më vonë d.m.th në vitin 1968. Në fakt në vitin 1968 tamam në Bimini, disa zhytës zbuluan disa blloqe gurësh që mund të ishin muret e një tempulli të rrënuar, si dhe rrënoja të tjera që mund të ishin muret dhe rrugët e një qyteti të fundosur nën ujë shumë kohë më parë.Zhytje të reja dhe foto nga ajri duket të konfirmojnë ekzistencën e këtyre rrënojave. Gjithsesi duhet të themi se jo të gjithë oqeanografët janë të sigurtë së këto blloqe gurësh janë pjesë e rrënojave të Atlantidës. Duhet të themi se, edhe sikur të bëhej fjalë thjesht për shkëmbinj siç pranojnë këta oqeanografë, këta shkëmbinj janë pa dyshim me një formë shumë të çuditshme, sa të japin idenë që mund të jenë rrënojat e një qyteti të fundosur. Edhe sikur të pranonim që këto blloqe guri janë me të vërtetë, ashtu siç duken, rrënojat e një qyteti të fundosur, nuk do të thotë patjetër që të jenë rrënojat e një qyteti të zhdukur të Atlanditës, nga momenti që niveli i ujit të detit përgjatë shekujve është ngritur më shumë se një herë dhe midis të tjerash furtunat detare mund të kenë përmbytur qytete bregdetare në të kaluarën e largët, dhe që nuk kanë asgjë të përbashkët me kontinentit e Atlantidës.
2. Dritararja shumëdimensionale
Autorë të tjerë besojnë se zhdukjet e aeroplanëve dhe anijeve në Trekëndëshin e Bermudës janë si pasojë e prezencës në këtë zonë gjeografike të një dritareje ekstradimensionale ose të një dritareje shumëdimensionale (dritaret ekstradimensionale vënë në kontakt dimensionin tonë, universin tonë, me një dimension paralel kurse dritaret shumëdimensionale vënë në kontakt dimensionin tonë me një numër universesh paralele dhe jo vetëm me një). Këta autorë pretendojnë se pështjellimet elektromagnetike dhe anomalitë gravitacionale që ndodhin në Trekëndëshin e Bermudës janë pasojë e kësaj dritareje ekstradimensionale ose shumëdimensionale. Mendimi ynë është që kjo hipotezë, sëbashku me atë ufologjike që do të shtjellojmë më poshtë, është më e besueshme se sa ajo e Atlantidës duke qene se në disa raste të zhdukjeve të anijeve apo aeroplanëve duket sikur ato janë transportuar pikërisht në dimensione të tjera.
3. UFO
Tani do të marrim në konsideratë hipotezën e tretë për të kërkuar të zbardhim misterin e Trekëndëshit të Bermudës: sipas kësaj hipoteze zhdukjet e anijeve dhe avionëve në atë zonë janë shkaktuar nga rrëmbimet e UFO-ve. Autori që mbi të gjithë ka mbrojtur këtë tezë dhe ka kërkuar prova për ta mbështetur është ufologu amerikan Jessup që dedikoi shumë nga koha e tij në studimin e lidhjeve te mundshme midir UFO-ve dhe misterit te Trekëndëshit të Bermudës. Për fat të keq vendimi i Jessup të vetëvritej e ndaloi ufologun amerikan në përpjekjen për të vazhduar hetimet e tij si mbi raportin për UFO dhe Trekëndëshin e Bermudës ashtu dhe mbi elemente të tjerë të fenomenologjisë ufologjike (më poshtë do të tregojmë diçka mbi vetëvrasjen e Jessup duke qenë se është një vetëvrasje e mistershme dhe e dyshimtë, shkaqet e së cilës akoma nuk dihen).Sipas Jessup UFO-t shkaktonin zhdukjen e anijeve dhe aeroplanëve në Trekëndëshin e Bermudës për të rrëmbyer qeniet njerëzore. Sipas ufologut në ujerat e Trekëndëshit të Bermudës duhet të ishte një bazë nënujore aliene në të cilën transportoheshin njerëzit, anijet dhe aeroplanët që zhdukeshin në atë zonë. Jessup i jepte shumë rëndësi këtyre zhdukjeve sepse konsideronte një fakt shumë shqetësues që alienët të rrëmbenin njerëzit, sepse kjo konfirmonte faktin që kishin qëllime negative kundrejt rracës njerëzore. Duhet të kemi parasysh që në librat e tij Jessup ka vënë shpesh në dukje faktin që problemi më i madh që ufologët duhet të zgjidhnin ishte që të kuptonin cilat ishin qëllimet që kishin alienët mbi njerëzit. Shkurtimisht Jessup pretendonte se, nëse alienët vinin në Tokë, duhet të kishin motive të vlefshme për të kryer atë udhëtim. Problemi ishte ai që të qartësonin nëse kishin qëllime të mira apo të këqia kundrejt rracës njerëzore. Nëse ata ishin pozitivë kundrejt njerëzve motivet e udhëtimeve apo prezencës së tyre në Tokë nuk duhet të shqetësonin njerëzit, ndryshe, nëse ishin negative, motivet që i shtynin drejt Tokës duhet të shqetësonin shumë njerëzit. Tani, nëse përgjegjësit e zhdukjeve të anijeve dhe aeroplanëve në Trekëndëshin e Bermudës ishin alienët kjo do të thotë, sipas Jessup, që ekzistonin mundësi që alienet të ishin me qëllime të këqia kundrejt njerëzve duke imagjinuar dhe pasojat e këtyre të fundit.Përveç këtyre Jessup pretendonte se pështjellimet magnetike dhe anomalitë gravitacionale prezente në Trekëndëshin e Bermudës ishin shkaktuar nga baza nënujore e ndërtuar nga alienët për të rrëmbyer njerëzit.
Vetëvrasja e Jessup
Le ta mbyllim këtë artikull me disa fakte mbi vetëvrasjen e Jessup. Policia hapi një hetim të shkurtër për të vendosur motivet e vetëvrasjes së Jessup të cilin e mbylli me shumë lehtësi dhe shpejtësi, duke thënë se Jessup u vetëvra sepse ishte akoma i dashuruar me gruan, e cila ishte divorcuar nga shkencëtari para disa kohësh. Sipas policisë amerikane fakti që Jessup ishte vetëvrarë si shkak i dështimit të lidhjes martesore ishte se ai vdiq pikërisht disa ditë pasi ish-gruaja e tij të martohej për herë të dytë. Shkurtimisht raporti final mbi vetëvrasjen e Jessup thoshte se shkencëtari, duke mos pranuar në asnjë mënyrë qe ish-gruaja do të martohej pas pak ditësh, vendosi të vetëvritej pikërisht atë dite sepse nuk donte të ishte gjallë pikërisht ditën që ajo do të martohej.Ky shpjegim mbi vetëvrasjen nuk arriti kurrë të bindte John Keel kështu që ai filloi të hetonte personalisht mbi vdekjen e Jessup. Hetimet e ndërmara nga John Keel vunë në dukje që kishin ndodhur disa fakte të mistershme dhe të frikshme përpara veëvrasjes së Jessup. Kështu që ufologu amerikan Keel nuk pranoi dhe hodhi poshtë raportin final të hetimeve të policise lokale.Do t’ju tregojmë tani një nga faktet e frikshme që dolën nga hetimet e John Keel. Ky fakt ndodhi dy diëe përpara vetëvrasjes së ufologut amerikan Jessup. Keel arriti në këtë fakt duke pyetur miqtë e ngushtë të Jessup, për të ditur nëse Jessup kishte përmendur diçka që mund të shpjegonte aktin e tij vetëvrasës. Këmbëngulja e madhe e Keel kur ai takoi një mik të afërt të Jessup që punonte si astrofizik në Marinën Ushtarake amerikane, dhe si rrjedhojë përveç faktit që ishte mik i Jessup ishte dhe një koleg i tij (Jessup ishte shkencëtar). Ai i zbuloi Keel-it se Jessup dy ditë para se të vetëvritej i kishte bere atij një telefonatë, në të cilën i tregonte se kishte zbuluar gjëra të tmerrshme në lidhje me UFO-t dhe gjithashtu se prej disa kohësh nuk mund të flinte më i qetë sepse në shtëpinë e tij ndodhnin gjëra të pashpjegueshme dhe të frikshme. Miku i kërkoi Jessup të shpjegohej më mire por ufologu amerikan i tha se nuk mund t’i tregonte më shumë në telefon, për këtë arsye e ftoi të takoheshin në shtëpinë e tij dhe të bisedonin personalisht.Duke qenë se miku i Jessup në atë moment gjendej në një qytet larg atij ku jetonte Jessup, të dy ranë dakord se do të takoheshin dy ditë më vonë në shtëpinë e tij. Jessup mbylli telefonatën duke i thënë mikut të tij astrofizik se nëse banorët e Tokës do të merrnin vesh informacionet e tmerrshme që ai kishte zbuluar mbi UFO-t, do të bëheshin viktima të një terrori të pakontrollueshëm. Për fat të keq, kur miku mbërriti në shtëpinë e Jessup pasditen e ditës së caktuar për t’u takuar, e gjeti të vdekur dhe policia i tha se ishte vetëvrarë në orët e para të mëngjesit.Për fat të keq ne nuk do të arrijmë kurrë të dimë se çfarë gjëje të tmerrshme kishte zbuluar Jessup mbi UFO-t dhe nuk jemi as në gjendje që të bëjmë hipoteza mbi këtë gjë. Gjithsesi jemi dakord me Keel se ajo telefonatë tregon qartësisht dy gjëra: së pari që Jessup nuk ishte vetëvrarë për faktin se nuk pranonte martesën e ish-bashkëshortes; së dyti është e mundur ashtu siç pranon dhe Keel se edhe Jessup ashtu si dhe ufologë të tjerë ishte i persekutuar nga krijesa mbinatyrore, arsye për të cilën shpjegohet fakti se përse nuk arrinte të flinte gjumë i qetë natën për shkak të fenomeneve të pashpjegueshme që ndodhnin në shtëpinë e tij.Mbyllim kështu këtë artikull duke evidencuar faktin që Keel ka pranuar shumë herë që në arkivin e tij ka mbledhur dëshmi të mbi 100 ufologëve, të cilët i kane treguar që kanë patur probleme të këtij lloji me qenie mbinatyrore, probleme të cilat i kanë ndodhur dhe vetë Keel.

Youtube: https://www.youtube.com/watch?v=pNuUMoLdUB0

A ka jet mbas vdekjes

Mon, 02 Dec 2024 11:45:49 +0000

Tema: A ka jet mbas vdekjes

Një ekip i psikologëve dhe mjekëve në Universitetin e Berlinit kanë bërë të ditur se bazuar në eksperimentet klinike që ata kanë kryer, kanë arritur të dëshmojnë për ekzistencën e disa formave të jetës edhe pas vdekjes.
Deri tek ky përfundim u arrit pas një studimi të bërë, ku janë bërë vëzhgime mjekësore në përvojat pranë vdekjes, duke bërë që pacientët e këtij eksperimenti të jenë të vdekur klinikisht për gati 20 minuta dhe përsëri janë sjellë në jetë.
Ky proces kontrovers u bë për 944 vullnetarë të cilët morën pjesë në këtë eksperiment në këto katër vitet e fundit. Atyre iu injektuan përzierje të drogave të ndryshme duke përfshirë këtu edhe epinefrinë. Këto përzierjes drogash u lejonin pacientëve që të përjetonin një vdekje klinike dhe që të dilnin nga ajo gjendje pa asnjë pasojë. Pas injektimit të përzierjeve të drogave, pacientët rikuperoheshin pas 18 minutash dhe kjo gjë bëhej duke filtruar ozon në gjakun e tyre.
Kohëzgjatja jashtëzakonisht e gjatë në këtë gjendje- vdekje klinike- është bërë e mundur kohëve të fundit falë zhvillimit të një makine të re kardiopulmore e quajtur AutoPulse. Kjo lloj pajisje është përdorur vitet e fundit për të rikthyer në jetë njerëzit që kishin vdekur para 40 minutave deri në një orë.
Përvojat e pranë-vdekjes janë përmendur edhe në revista të ndryshme mjekësore edhe në të kaluarën, duke marrë për bazë halucinacionet, por se Doktor Ackermann dhe ekipi i tij, përkundrazi, konsiderojnë se pikërisht këto janë dëshmi se ka ekzistencë të jetës së përtejme dhe është një formë e dualizmit në mes mendjes dhe trupit.
Ekipi i shkencëtarëve, i udhëhequr nga doktor Berthold Ackermann, ka monitoruar operacionet dhe kanë përpiluar dëshmitë e subjekteve, transmeton lajmi.net. Edhe pse ka disa ndryshime në këtë eksperiment nga individët e ndryshëm, të gjithë individët kanë pasur disa kujtime gjatë periudhës sa kanë qenë në vdekje klinike. Shumica prej tyre kanë përshkruar disa ndjesi shumë të ngjashme.
Përjetimet më të shpeshta që kanë thënë se kanë përjetuar vullnetarët që kanë marë pjesë në këtë eksperiment kanë përfshirë ndjenjën e shkëputjes nga trupi i tyre, ndjenjën se po ngrihen në ajër, qetësinë totale, sigurinë, ngrohtësinë, përvojën e shpërbërjes absolute dhe praninë e një drite të madhe.
Shkencëtarët thonë se ata janë të vetëdijshëm se shumë prej konkluzioneve që kanë arritur do të shokojnë shumë njerëz edhe pse besimet fetare të subjekteve të përfshira në këtë eksperiment nuk kanë paraqitur asnjë problem. Në të vërtetë, vullnetarët që kanë marrë pjesë në këtë eksperiment i kanë takuar besimeve të ndryshme fetare, si besimit të krishterë, atij islam, hebre por ka pasur edhe ateistë.
“Unë e di se rezultatet tona mund të shqetësojnë besimet e shumë njerëzve”, thotë doktor Ackermann.
“Por, në asnjë mënyrë, ne nuk kemi pasur për qëllim një gjë të tillë. Ne vetëm kemi dhënë përgjigje në pyetjen më të madhe të historisë së njerëzimit, kështu që unë shpresoj se këta njerëz që janë prekur të jenë në gjendje të na falin. Po, ka jetë pas vdekjes dhe kjo duket se vlen për të gjithë ne”, ka thënë doktori.

Qfare do te ndodhte sikur njerezit te zhdukeshin ?

Mon, 02 Dec 2024 08:59:52 +0000

Nese do te ndodhte qe qdo njeri ne toke te zhdukej ne te njejten kohe,qfar pasojash do te kishte? Ky eksperiment interesant nuk eksploron vetem ndikimin e njeriut ne planet,por edhe elasticitetin e pabesueshem te natyres.

Nje video interesante shfaq ngjarjet njera pas tjetres nese kjo dukuri ndonjehere ndodhe ndonjehere.

LINK