Serbët sulmojnë uebfaqen e Kuvendit të Kosovës

[iceboy]

Sipas lajmërimit në indeksonline.net, gjatë mbrëmjes serbët kanë sulmuar uebfaqen zyrtare të Kuvendit të Kosovës, që është assembly-kosova.org. Në ballinë paraqitej flamuri serb me titullin “Në mbrojtje të serbëve”. Kjo përmbajtje ka ekzistuar deri në orën 9 të mëngjesit të ditës së sotme. Ndërsa, rreth orës 11:45, kjo faqe është risulmuar nga serbët.

Sipas lajmit në indeksonline.net, serbët gjatë sulmit të dytë kanë arritur që të kontrollojnë uebfaqen e kuvendit. Përveç përmbajtjes me fotografi, të flamurit serb, dhe titullit për mbrojtjen e serbëve në Kosovë, gjatë sulmit të ditës së sotme është vendosur në sfond edhe himni serb.

Në ora 12:16, uebfaqja është kthyer në gjendjen normale, me përjashtim të adresës: KOSOVO JE SRBIJA. Siç po vërehet, përgjegjësit për gjendjen e uebfaqes, janë duke e rikthyer uebfaqen në gjendjen e zakonshme.

Përditësim: Tani, në ora 12:27, uebfaqja ka larguar termin shpifës të sulmuesve serbë.

Ky sulm mund të jetë edhe si tregues që siguria në uebfaqet zyrtare nuk është në nivelin e duhur, kështu që kjo ngjarje e 15 orëve të fundit duhet të shërbejë si ndikues në përmirësimin e gjendjes së sigurisë./pcworldalbanian