Shtoni stilin e paraqitjes së kohës dhe datës në ekranin hyr

[iceboy]

Shtoni stilin e paraqitjes së kohës dhe datës në ekranin hyrës në Windows 7

Secila veçori e sistemit operativ Windows 8 dita-ditës po zbulohet. Kjo ka krijuar një interesim edhe tek vetë zhvilluesit për të krijuar aplikacione që sjellin funksione të ngjashme në Windows 7.

Ju mund të shtoni stilin e paraqitjes së kohës dhe datës në Windows 7, që do të përfshihet në Windows 8 në ekranin hyrës. Këtë mund ta bëni duke përdorur një aplikacion të quajtur 8 Clock and Date for Windows 7. Ky aplikacion ofron paraqitjen e kohës dhe datës në ekranin hyrës në Windows 7, duke mos pasur nevojë për ndryshim të sfondit të ekranit.

Ky ekran i veçantë i fillimit mund të bëhet sipas kësaj ecurie:

§ Shkarkoni dhe nxirrni skedarët nga follderi i paketuar.

§ Lëshoni skedarin setup dhe shtypni Install.

§ Herën tjetër kur ju kyçeni në Windows, ose e bllokoni ekranin tuaj, data dhe koha do të paraqitet. Në rast se nuk i shihni, klikoni sustën Ease Of Access.



Aplikacionet funksionojnë për sistemet operativë 32 bit, por për sistemet operativë 64 bit ju duhet të zëvendësoni skedarin Windows Ultiman.exe me një nga follderi nga i keni nxjerrë skedarët. Sigurohuni që ju e keni ruajtur një kopje të skedarit Ultiman.exe, nëse rastësisht diçka nuk shkon mirë.

Burimi: Nga Fatos Morina per PcWorldAlbanian 2011