Apple prezanton iPhone 6 dhe iPhone 6 Plus

[MARCIAL]

Apple ka prezantuar iPhone 6 dhe iPhone 6 Plus, të cilët CEO i Apple, Tim Cook, i ka quajtur "iPhone-ët më të mirë" që kompania ka prodhuar ndonjëherë.

Apple i bëri publik dy modelet e reja të iPhone, përkatësisht iPhone 6 dhe iPhone 6 Plus, dhe të dy modelet vijnë me ekranin e bazuar në Retina HD.

iPhone 6 është i hollë vetëm 6.9mm, ndërsa iPhone 6 Plus ka 7.1mm hollësi, ndërsa iPhone 6 Plus ofron edhe këndin e ri të shikimit - landscape.

iPhone 6 sjell ekranin me diagonalen prej 4.7”, ndërsa iPhone 6 Plus vjen me madhësinë e ekranit prej 5.5” që e bën këtë pajisje fabletin e parë të Apple. Rezolucioni i iPhone 6 sjell 1334 x 750 piksel, ndërsa ai i iPhone 6 Plus ofron 1920 x 1080 piksel.

iPhone 6 mbështetet nga procesori i ri i Apple, A8 që i jep shpejtësi deri në 25 për qind më të madhe procesorit, dhe deri në 50 për qind më shumë shpejtësi grafikave të telefonit.

Modelet e reja të iPhone 6 vijnë me lidhjet 802.11ac WiFi, ndërsa përfshijnë edhe thirrjet në WiFi, me një grumbull tiparesh të reja të avancuara edhe për kamerë.

iPhone 6 ofron kamerën me 8MP iSight, 1.5µ pixels, ƒ/2.2, ndërsa e njëjta sjell edhe sensorin e ri me Focus Pixels, të cilat janë të dizanuara ta përmirësojnë fokusimin, një tipar për të cilin Apple thotë se më herët është përdorur vetëm në kamerat DSLR.

Apple poashtu i prezantoi çmimet e iPhone 6 dhe iPhone 6 Plus.

iPhone 6 do të kushtojë 199 dollarë për versionin me 16GB, 299 dollarë për versionin me 64GB dhe 399 dollarë për versionin me 128GB. Ndërsa, iPhone 6 Plus fillon prej 299 dollarë për versionin me 16GB. Të gjitha këto çmime janë për përdoruesit që nënshkruajnë kontratë 2 vjeçare.

Pas refuzimit të kahmotshëm për integrimin e teknologjisë së pagesave mobile, NFC, Apple tani është dorëzuar, pasi që iPhone 6 dhe iPhone 6 Plus sjellin protokolin e ri në telefon, dhe kanë të ndërtuar tërë sistemin e pagesave mobile në të, i cili është funksional me një numër të partnerëve të kompanisë Apple.

Çipi i ri 64-bit A8 ka dy miliardë tranzistorë, dy herë më shumë se çipi A1. Kjo do të lejojë që shpejtësia e celularit të jetë 25% më e madhe.

Sa i përket baterisë, të dy iPhone-ët do të kenë një jetëgjatësi më të mirë, duke përfshirë 50 orë të ndëgjimit të muzikës dhe 11 orë të video shikimeve në iPhone 6

Më shumë rreth përformancave te iPhone 6 kliko këtu
Më shumë rreth përformancave te iPhone 6 Plus kliko këtu

Apple iOS 8 do të jetë në dispozicion për shkarkim nga 17 shtatori

Siç është pritur për një kohë të gjatë tashmë, Apple sot e ka zbuluar edhe orën e saj të mençur, Apple Watch. The Apple Watch do të jetë në dispozicion në tri versione, duke përfshirë Apple Watch, Apple Sport dhe Apple Edition.

Burimi: telegrafi.com / lajmi.net

http://www.apple.com/iphone-6/