Konsumatorët shumë më të kënaqur me iPhone

[iceboy]

Në raportin e fundit të JD Power & Associates i cili publikohet në baza gjashtë mujore, dhe i cili mat kënaqësinë konsumatore, thuhet se Apple është prodhuesi me nivelin më të lartë të kënaqësisë së konsumatorëve të saj, sa i përket telefonave të mençur mobil.

Bazuar në një shkallë matjeje me 1.000 pikë, Apple për të nëntën herë me radhë ka marrë vendin e parë me iPhone, për punën, dizajnin fizik, karakteristikat, dhe lehtësinë e operimit, duke u renditur me plotë 60 pikë përpara sfiduesit të saj në vendin e dytë – kompanisë Nokia.

Ndërsa mesatarja e këtij raporti është 796 pikë për prodhuesit, Apple është e vetmja kompani që ngrihet mbi të me 855 pikë - që do të thotë se konkurrenca është relativisht e mbetur prapa.

Në pozitat tjera pas Apple vjen Nokia, Samsung, dhe Motorola, të cilat lënë pas rivalët tjerë si HTC, LG, dhe BlackBerry / Telegrafi /