Top 20 lojtarët e vitit 2010: face(16)

[XLN7]

Ne kemi arritur vendin e 16-të në listën tonë Top 20 lojtarët e vitit 2010 dhe kjo pozitë i takon lojtarit të SK Gaming, Johan "face" Klasson, lojtarit më të qëndrueshëm të ekipit suedez gjatë gjithë vitit.

Informacion bazë



Lojtari: Johan "face" Klasson
Ekipi: SK Gaming
Mosha: 22

Arritjet ekipore në 2010:

1st - SEC 2010, IOL FINAL4 Season 2, CB Nations Cup XIII
2nd - ESWC 2010, WEM 2010, Arbalet Best of Four
3rd - IEM4 World Championship, EPS Nordic II

Statistika nga turnet kryesor LAN në 2010:

Vrasje për rund: 0.73
Vdekje për rund: 0.62
Vlerësimi: 1.10
Mapat e luajtura: 93
Njeriu i ndeshjes: 9 herë më i vlerësuari në ndeshje
Turneu më i mirë: IEM4 World Championship
Mapi më i mirë: de_train

SK Gaming nënshkruan me Johan "face" Klasson në shtator 2009 nga H2k dhe vetëm pak kohë pasi u bashkua, së bashku me Frej "kHRYSTAL" Sjöström, ata fituan disa turne duke përfshirë turneun e fundit të madh në 2009, Arbalet Cup Europe. Prandaj, ata kishin shpresa të mëdha nga përbërja e tyre për vitin 2010. Por, nuk shkoi gjithçka siç ishte planifikuar përshkak të lëkundjeve dhe problemeve në ekip në finalizimin e përbërjes kur ndryshimet filluan të zënë vend. Megjithatë, Klasson ishte lojtari më stabil i ekipit dhe me sa duket nuk ishte pjesë e problemit, i cili ka reflektuar në faktin që ai do të mbetet në përbërje për vitin 2011.

Fillim i dobët dhe ndryshim në përbërje

Turneu i parë për Klasson dhe SK Gaming në 2010 ishte IEM4 European Championship Finals, ku ata përfunduan në një vend të 4-të relativisht dëshpërues, duke humbur nga kampionët mousesports në semi-finale dhe më pas nga befasia më e madhe e turneut, Ravens në ndeshjen për vendin e 3-të. Performanca e Klasson nuk ishte shumë e kënaqshme me vlerësim 0.94, me vetëm një shkëndijë të rrallë kundër Millenium, ku ai pati rezultatin personal 31-19 në ndeshjen e fazës së grupeve.

Pas këtij turneu, u ngrit mundësia për SK të sjellin Rasmus "Gux" Ståhl dhe ata vepruan kështu duke zëvendësuar Sjöström në pritje të rezultateve më të mira. Ndalesa e parë për përbërjen e re ishte Hannover dhe IEM4 World Championship, që sjelli lojë më të përmirësuar nga SK si dhe nga Klasson. Përderisa ekipi përfunduan në vendin e 3-të, Klasson ishte lojtari i tyre më i mirë me vlerësim të shkëlqyer 1.19, që gjithashtu e bëri atë lojtarin e 4-të më të vlerësuar në këtë turne të mbushur me lojtarë yje.



Në turneun e radhës për SK, Arbalet Cup Best of Four, Klasson ishte lojtari i dytë më i mirë i ekipit, me paraqitje të mira por jo të shkëlqyeshme (1.02 vlerësim) ndërsa ata përfunduan të dytët pas Na`Vi, por para fnatic. Në javën tjetër, Klasson bëri disa paraqitje për ekipin nacional të Suedisë në semi-finale dhe finale të ClanBase Nations Cup XIII, duke ndihmuar ata për të fituar titullin, edhe pse ai nuk shkëlqeu në asnjërën nga ndeshjet.

Në Maj, ai që erdhi ishte ndoshta turneu më i dobët për SK dhe për Klasson individualisht, në 2010, Arbalet Cup Europe. Në këtë turne që u zhvillua në shtëpinë e tyre në Stockholm, SK nuk kaluan fazën e grupeve, derisa Klasson pati vetëm vlerësimin 0.90.

Pas kësaj performance, SK u rikthyen një muaj më vonë dhe arritën të fitojnë IOL FINAL4 Season 2 para fnatic, derisa Klasson pati disa performance të mira.

DreamHack Summer ishte vetëm disa ditë larg dhe SK u kthyen me formën e tyre të dobët pasi përfunduan në vendin e 4-të, edhe pse ata patën momentin e tyre të ndritshëm duke mposhtur Na`Vi në çerekfinale. Klasson ishte lojtari i dytë më i vlerësuar i ekipit, por vetëm me vlerësim mesatar 1.00 dhe pa ndeshje të mira.

Ngritje në pjesën e dytë të vitit

Suedezët pastaj u konsoliduan dhe vetëm dy javë më vonë arritën sukesin e tyre më të madh në 2010, që ishte përfundimi në vendin e 2-të në ESWC në Paris, Francë. Klasson ishte në kulmin e formës së tij, pasi përsëriti performancat e mira nga IEM4 World Championship në një tjetër turne të madh, duke përfunduar me vlerësim 1.17 (lojtari i dytë më i mire në ekip). Ai luajti shkëlqyeshëm në çdo ndeshje, ndërsa SK ishin të pamposhtur në rrugëtimin e tyre drejt finales, si në playoff ashtu dhe në fazën e grupeve. Ndeshja e tij më e mire ishte ndoshta ajo kundër compLexity në çerekfinale, ku ai pati rezultatin 20-8 në mapin e dytë.

Vetëm pas suksesit të tyre më të madh, shtimi i tyre i fundit, Ståhl vendosi të ndërrojë ekip dhe u kthye në fnatic, ku kaloi vitin e kaluar. Arbalet Dallas ishte vetëm disa ditë larg, prandaj SK e rekrutuan Andreas "moddii" Fridh si zëvëndësim. Ekipi luajti çuditërisht mirë, edhe pse ata u mposhtën nga H2k në çerekfinale, derisa Klasson ishte lojtari i tyre më i mirë me vlerësim të mrekullueshëm 1.20 (lojtari i 8-të më i mirë i turneut).

Në radhë për SK ishte WCG Nordic i mbajtur në Finlandë, të cilin ata e fituan pa probleme, duke qenë të pamposhtur në 8 mapa dhe duke siguruar të gjitha shpenzimet e paguara për WCG në Los Angeles. Klasson ishte sërish ylli i parë i ekipit me një vlerësim mbresëlënës 1.39 dhe ishte lojtari më i mirë i turneut. Ai gjithashtu regjistroi performancën e tij më të mirë individuale të vitit në ndeshjen kundër Playzone.fi me rezultat 26-5.

Koha erdhi për SK që të finalizojnë paraqitjen e tyre në EPS Nordic II, ku ata përfunduan në vendin e 3-të. Klasson ishte lojtari më i mirë i ekipit në këtë ligë online dhe gjithashtu lojtari i 6-të më i vlerësuar në përgjithësi me vlerësim 1.16. Ai pati disa ndeshje mbresëlënëse gjatë gjithë sezonit, veçanërisht kundër H2k kur ai vendosi rezultatin 33-9, si dhe një tjetër në ndeshjen për vendin e 3-të kundër MYM me rezultat 30-12 në mapin e dytë. Gjithashtu, ai bëri rundin e tij më të mirë të vitit në një ndeshje kundër Playzone.fi.

[youtube]http://www.youtube.com/watch?v=ue7SWp2pUn0[/youtube]

Turneu i radhës LAN për SK ishte SEC, ku ata arritën të fitojnë titullin e tyre të vetëm ndërkombëtar për vitin 2010, pasi mposhtën mTw në finale. Klasson edhe njëherë luajti shkëlqyeshëm dhe ishte lojtari i 2-të më i mirë i ekipit me vlerësim 1.19 (lojtari i 4-të më i mirë në turne).

Pastaj erdhi koha për të udhëtuar në Shtetet e Bashkuara për turneun WCG, ku Klasson filloi vërtetë mirë, duke vendosur rezultatin personal 36-11 kundër ekipit Indian ATE dhe më pas 33-12 kundër rusëve të MYM në fazën e grupeve. Megjithatë, ekipi pastaj u ndal nga Frag eXecutors në rundin e pare të playoffit, në një nga ndeshjet më interesante të vitit. Klasson nuk zhgënjeu në atë ndeshje, duke luajtur veçanërisht mirë në mapin e 3-të, që ekipi tij e humbi me 15-19, pavarësisht rezultatit të tij personal 31-21. Ai përfundoi turneun me një vlerësim të pabesueshëm 1.42, vlerësimi i tij më i mirë i vitit.

World e-Sports Masters ishte turneu i radhës ku SK morën pjesë, ndonëse ata u detyruan të përdorin një (tjetër) zëvendësim për turneun kinez. Pavarësisht kësaj, ata arritën vendin e 2-të, duke iu falenderuar disa performancave të mira të Klasson. Në ndeshjen e tyre të parë kundër Power Gaming, ai pati rezultat të shkëlqyeshëm 21-9 në fitoren e tyre 16-3, ndërsa ndeshja e tyre e radhës kundër Na`Vi vërtetë sjelli më të mirën e tij. Pasi u mposhtën 3-12 në pjesën e parë, SK arritën të kthehen me 13-0, derisa Klasson ishte forca udhëheqëse e ekipit me rezultatin personal 20-3 si CT, duke ndikuar drejtpërdrejt në fitimin e më shumë se disa rundeve. Ai përfundoi si lojtari i 4-të më i vlerësuar i turneut me vlerësim 1.19.



Në fund të nëntorit, pjesëmarrjes së SK në ligat online po vinte fundi, pasi ata përfunduan në vendin e 5-të në EPS Nordic III, duke humbur LAN Finals. Klasson pati një sezon mesatar këtë herë, me vlerësim 1.00, ndërsa ai ishte më i mirë në IEM5 European Championship duke regjistiruar vlerësimin 1.13 derisa SK sigiruan një vend në Finals të këtij turneu.

Në turneun e fundit të madh për vitin 2010, DreamHack Winter, Klasson nuk luajti në nivelin e njëjtë si nga korriku dhe ESWC, duke regjistruar disa performance mesatare ( 1.01 vlerësim), përderisa ekipi i tij përfunduan pjesëmarrjen e tyre në çerekfinale pas humbjes nga mTw.

Lojtari më i qëndrueshëm i SK Gaming për vitin 2010

SK nuk fitoi asnjë nga turnet e mëdhenj në vitin 2010, por sa herë që ata u pozicionuan mirë në një nga ta, Klasson luajti shkëlqyeshëm, gjithmonë ose si lojtari më i mire i ekipit (si në IEM4 World Championship) apo si lojtari i dytë më i mirë (ESWC, WEM). Përveç kësaj, ai ishte vlerësuar mbi 1.00 në 9 nga 11 turnet ndërkombëtar LAN ku ai kishte marrë pjesë dhe luajti mirë pa marr parasysh ndryshimet në përbërje që e goditën ekipin.

Ndonëse ai nuk ishte lojtari më me ndikim për ekipin e tij, me vlerësimin më të mirë në 9 prej 93 mapave që ai ka luajtur, ai ishte një lojtar në të cilin SK gjithmonë mund të mbështeteshin dhe për këtë arsye ai i ka siguruar vetës një tjetër kontratë për vitin 2011 si pjesë e përbërjes së re dhe gjithashtu një vend në listen tonë Top 20 lojtarët e vitit 2010.