Zynga po ndahet nga Facebook

[purge]

Zynga po tenton të ndahet sa më shumë që është e mundur nga Facebooku si platformë primare për lojëra.Në të vërtetë, Zynga do të nis një portal të vetin për lojëra, dhe ka paralajmëruar edhe hapjen e platformës së vet. Në faqet Zynga.com lojtarët do të mund ti qasen drejtpërdrejtë lojërave të cilat deri tani luanin në Facebook, e faqet do të kenë edhe disa mundësi elementare për rrjetëzimin shoqëror me fokus në lojërat. Gjithashtu do të u mundësohet shfrytëzuesve zbulimi dhe luajtja kundër personave të cilët nuk ndodhen në listën e miqve të tyre në Facebook.

Me hapjen e platformës së vet Zynga synon të ia mundësoj zhvilluesve të pavarur publikimin e lojërave të veta në serverët e Zyngas, ndërsa është paralajmëruar edhe hapja e API-ve.

Edhe pse Zynga ende nuk po e braktis Facebookun, këto veprime mund të ndodhë të paraqesin hapin e parë drejtë shkëputjes së lidhjes simbiotike me Facebookun, duke ia dhënë kompanisë më shumë kontroll dhe hapësirë për rritje. Sipas të dhënave të cilat publikoi Facebook gjatë dorëzimit të letrave për ofertën fillestare të aksioneve, me Zynga kanë të bëjnë madje 12% e të hyrave të kompanisë. / KLINAINFO.com