I transferojnë gabim 9.8 miliardë dollarë në llogari, shokoh

[withstyle]

Një mësues indian pësoi shok kur kontrolloi llogarinë e tij bankare online dhe teksa priste të kishte 200 dollarë, shikoi se kishte plot 9.8 miliardë dollarë.

Parijat Saha nuk mund t’u besonte syve, por një kontroll në ATM, konfirmoi statusin e tij prej miliarderi, të paktën në letër.



BBC raporton se me ndershmërinë që e karakterizonte, Saha i telefonoi Bankës Shtetërore të Indisë për t’i treguar gabimin.



Zyrtarët e bankës nuk komentuan, por burimet thane se fondet ishin “të paqarta” dhe se mësuesi nuk do kishte mundur t’i tërhiqte ato para edhe nëse do të ishte përpjekur për të bërë diçka të tillë, transmeton Starti njoftimin.



Rroga mujore e mësuesit është vetëm 700 dollarë, teksa pasuria që shikoi në llogarinë e tij i afrohet shumë buxhetit vjetor të Indisë për arsimin (11.5 miliardë dollarë).



“Mbrëmjen e së dielës kur po kontrolloja online llogarinë time, prisja të shikoja një shumë të përafërt me 200 dollarët”, tha Saha, i cili jeton në qytetin e Bulurghatit në distriktin e Dinajpurit Jugor, “por u shokova kur pashë shumën marramendëse”./ KohaDitore /