wazorN flet për ndarjen e Full Gaming

[XLN7]

Jack "wazorN" Henriksen ka treguar për HLTV.org se lojtarët e Full Gaming janë duke menduar shpërbërjen e ekipit.

Gjigantët danez janë çrregulluar pas largimit të Timm "ArcadioN" Henriksen drejt mTw të dielën.

Me katër lojtarë në përbërje, ishte pritur që Full Gaming do të përpiqeshin t'a rindërtonin skuadrën duke shtuar një lojtar të ri, por Jack "wazorN" Henriksen ka treguar se nuk ka gjasa për një skenar të tillë.

"Ne vërtetë nuk jemi të sigurtë [çfarë të bëjmë], por duket se disa nga lojtarët duan të shkojnë në drejtimet e tyre, në vend që të qëndrojnë bashkë dhe të provojnë pa ArcadioN," tha ai për HLTV.org.

"ArcadioN nuk është një lojtar që ju vetëm e ndërroni ashtu, prandaj unë supozoj që disa nga lojtarët kanë menduar se do të duhet shumë punë, apo ata thjeshtë kanë dashur që të shkojnë në drejtime të ndryshme."



I pyetur rreth kalimit të Timm "ArcadioN" Henriksen te mTw, "wazorN" deklaroi se ai nuk ishte i shokuar të shoh shokun e tij të ekipit të ndërroj anët.

"Ne kemi biseduar për këtë shumë herë dhe e kemi ditur se kishte një mundësi të madhe që kjo të ndodhte, kështu që nuk ishte me të vërtetë një surprizë e madhe për mua," tha ai.

Full Gaming arritën kulmin, herën e parë kur ata mposhtën mTw në kualifikimet daneze për WCG. Pas një fushate dëshpëruese në Los Angeles, ku ata u eleminuan në fazën e grupeve, ekipi u zgjuan, për të fituar DSRack LAN #3 dhe duke përfunduar në vendin e dytë në KGC #2.

Ish-ekipi p00nhandlers, janë aktualisht në vendin e dytë në grupin e tyre të IEM5 European Championship, me gjashtë pikë nga dy ndeshje, me të ardhmen e tyre në garë tani në dyshime.

I pyetur për planet e tij për të ardhmen, "wazorN" theksoi: "Unë nuk jam duke ndaluar me CS, sigurisht. Mendoj se do të provoj të mbledh këta nga ekipi që duan të luajnë, dhe ndoshta t'i bashkoj ata me disa talentë të rinj."

Full Gaming aktualisht ka:

Finn "karrigan" Andersen
Jack "wazorN" Henriksen
Michael "Friis" Jørgensen
Morten "suraNga" Jensen