Rrjedhin pamjet e iPhone 4S?

[iceboy]

Gjatë ditës së martë, Apple do ta mbajë eventin e saj vjetor për iPhone, në të cilin, të gjithë presin që kompania ta lansojë modelin e ri të këtij telefoni, iPhone 5.

Mirëpo, në treg tani janë paraqitur edhe thashetheme se në të njëjtën ditë do ta kemi edhe modelin tjetër të iPhone, i cili do të njihet si iPhone 4S.

Gazetarët e Gizmodo Brazil kanë publikuar disa pamje ekskluzive të iPhone 4S, ndërsa këto fotografi vijnë nga fabrika e Foxconn në Brazil.



Modeli i telefonit të Apple i cili paraqitet nga Gizmodo, duket të jetë ndonjëri prej modeleve të refuzuara nga kompania, mirëpo mesazhi i rëndësishëm që del nga ajo është se Apple po pret të lansojë dy versione të iPhone, atë të gjeneratës së pestë, iPhone 5 si dhe modelin paksa më të lirë, iPhone 4S. / Telegrafi /