Toshiba lanson tabletin Thrive

[swed]

Toshiba ka shtuar edhe një tablet të ri në linjën e saj të pajisjeve mobile, përkatësisht modelin Thrive i cili bazohet në sistemin operativ Android.
Toshiba Thrive posedon ekran të ndjeshëm në prekje me 7 inç, rezolucion me 1280 x 720 piksel, si dhe versionin e sistemit operativ, Android 3.2 Honeycomb.

Karakteristikat tjera të Toshiba Thrive përfshijnë edhe procesorin dual core NVIDIA Tegra 2, kamerën e pasme me 5 mega-piksel, LED ndriçues, si dhe kamerën e përparme me 3 mega-piksel.

Modeli i ri i tabletit të Toshiba’s vjen në dy versione të memories, atë 16 dhe 32GB, ndërsa i njëjti do të dal në shitje gjatë muajit nëntor të këtij viti, me një çmim prej më pak se 400 dollarësh. / Telegrafi /