+- eSportsKosova - Gaming Community (https://esportskosova.com)
+-- Forum: EDUKATIVE (https://esportskosova.com/forum-41.html)
+--- Forum: Diskutime për gjërat edukative (https://esportskosova.com/forum-37.html)
+--- Thread: Poezi nga autorë kosovar (/thread-931.html)
Poezi nga autorë kosovar - XLN7 - 09-01-2020
Tema menoj qe osht mjaft edukative.. Po t'ju thom dicka qysh n'fillim, po ju lus, postoni nje poezi qe ju pelqen, qe e meriton mu lexu prej tjerve, mos ta bojna kete pune per poste.
Po filloj une, me 2-3 poezi te Halil Matoshit :
Sa le`t ish me bajt nanën mbi supe
Ia kam pa tmerrin tek i randonte n`qerpikë
kur shihte në televizion gra të thyeme moshe
të ndjekuna anmiku
që dikush i tërhiqte zvarrë mbi ndoj thes të
dhintë apo ngrykë si thmi të ngrim` acari
grumbulluq në ndoj karro me rrotë të
shfryme... të mos flas kur ndjente vajtime mbi thmi e burra të grimë thike
nana s’bante as dhe`t hapa pa u mush frymë
në duart e serbëve kur rashë
dhe u bana gati për pushkatim, çuditnisht
qëndroi pa b`za si ni statue p’ej dheu e shtangun
se cilës arkeologët ia marrin masat
dhe përmasat ia hamendin moshën, pulsin
rezistencën ndaj përplasjeve
dhe tundimet e tokës nanë
dhe munohen me ja gjetë fillin e gjallesës
dhe me ja konstruktue ni vdekje tepër tragjike
dhe me ja shkaktue ni dhimtë të madhe sa vrasja e djalit
ni tmerr të pakufishem sa historia botnore
me ia thur pastaj ni trill letrar
dhe me e ba ni dramë gjithkohësie
nga e thjeshta nga e heshtura – ni nanë
e kam shikue beftë dhe sall sytë i kanë leviz`
sa për t’ma ba me dije se e kam lanë të gjallë
prit’m nanë kam dashtë me i thanë
dhe zani m’ka tradhtue
e ndjej edhe tashti ajo m’thosh’
nuk kom me dekë pa ardh nga syrgjyni bir
jam qindpërqind i sigurt se ka dashtë me më
thanë me dekë nuk kam po ja ka vu dorën gojës
mos ban sakrilegj mos mi dal ofshamë...
“atë ditë nuk kam me e harru derisa dheu t’um bjen ftyrës”- i kish pasë thanë nana gazetarve
ajo u ba ni nanë fantastike dhe më priti
me ma pa ballin pa gjak duart me m’i
shtrëngue pa zingjirë
u bana edhe unë ni djal durimtar dhe ia prita
dekën e bardhë hijeshinë e qefinit
pashë sa le’t asht me e bajt nanën mi supe
pesë djel t’rritun... tek ndrrohen me bijtë e tyne(aq e le’të ish nana dhe të duket sikur të dyja kambët po të sharrojnë në dhe- ndoshta asht krejt njajt sikur ajo ka bajt thmi në bark, veqse ti tashti ke mërzi ajo atohera u kan e gzueme, ajo po bante jetën!?)
ma pa lirinë
ia pashë dekën...
Kete poezi keni pas rast me ndegju edhe prej vete autorit ne emisionin Oxygen, para disa jave.. Po, masi kom pas fatin me gjet, po e postoj videon:
[youtube]http://www.youtube.com/watch?v=cEFxMj5cKpI[/youtube]
________________________________
PO ZVOGËLOHET BABA
Kur erdha në jetë vigani i parë që ndesha ishte ai
Vigani vetë dhe ideja
Po hyj në të dyzetat jam bërë baba
Kur flas më babën jam fëmijë
Vallë cili jam në sytë e fëmijëve të mi?
Dhe përditë e më pak vend në shtëpi po zë baba
Po zvogëlohet për habi
'I grusht eshtra...
Një natë papandehur këtë e vërejta
E kërkoja me sy në shtratin e tij e s’e gjeja
Ku je baba!? - gati klitha
Ai më foli: "këtu diku jam bir..." - u gëzova
Si fëmija që ende kam një baba
por ajo diku më trembi
Këtu diku, rëndom thuhet për margaritarë që na tretin para syve
Super! Ende kam baba - ndonëse gjithnjë e më të vogël
Sepse gjithnjë e më pak zë vend në bisedat
Në hapësirën banesore, në darkat solemne, zënkat dhe dashuritë tona
Po zvogëlohet baba...
Do të kërkojë edhe pak (pak?) ngrohtësi
Në këtë akullnajë dhe do të ikë me shpejtësi
Si një pendël zogu n’hava
Do ta bart era një baba
Një viga...
Po zvogëlohet baba
________________________________
NGUSHËLLIM
kjo që posa fluturoi është nana
pafajshmëria shenjtërore e fëmijërisë
ky njeri i pikëlluar si nje jetim jam unë
gjithqka tjetër është zhbërë dhe shndërruar në vakuum
kam lotuar dhe qajtur kam për tana nanat që kanë(me) vdekë
nëpër mileniume
prandaj nga ky çast ma zini për t’pame
ngushllime botës
për nanën...
Re: Poezi nga autorë kosovar - XLN7 - 09-01-2020
Lejohet vetem 1 postim brenda dites, ne te cilin mujne me u pershi 2-3 apo me shume poezi!
Re: Poezi nga autorë kosovar - Privatexe - 10-05-2023
Krijimi i Rruzullimit - Pjeter Bogdani
Parese Qiellja, Dheu, Deti, e Zjarmi
Ishte : Kje Zjarmi, Dheu, Qiellja e Deti
Me shempton Qiellja Dhene, e Detin Zjarmi
Se ku ish Qiellja, Dheu, Zjarmi e Deti
Aty ish Dheu, Qiellja, Deti e Zjarmi
Dheu Qiellne mbelon , e Zjarmin Deti
Qiellja Deti ende Zjarmi , ishte ende Dhet
Dheu, Zjarmin, ende Qiellja ishte nde Det
Mbe Qiellt nuk ishte , as Yll , as Dielli
Qi me Dritete vet zbardhen drite te re
As Hana delte me dy te rgjatna bri
As prej qiellshit vinte ndonji Reze per dhe
As dheu si Shqype nalt qendron , e ri
As miegull me shi , as breshen , as Refe
As Deti me Vale epte te madhe gjame
As lymenate me breg , ishin zane .
Liria - Din Mehmeti
Eshte enderr drite
Flake gjaku
Duhi shpirti
Syte plot pranvera i ka
Plot shtigje zogjsh
Zjarr kenge eshte
Eshte dritare e hapur kah Dielli
Bulezim i ri
Kalteri
Dhe rreze
Trofeu i gjalle - Musa Ramadani
(Mbretit te fundit Ilirian , Gencit )
Ne cilin pallat romak te vendosen
Te zbukurosh vitrinen publike
Model i gjalle i koleksionit Ilirian
Q'shfaqje spektakulare parakalimi
Maratones prej Ilirise deri ne Rome
Detyre djalli interpretimi i fundit
Pa fjale pa shpate pa mburoj pa brohori
A ka semundje me te paster se beteja
Betej ma vrastare se Gentiana a ka
Te brejten minjte e shikimeve romake
Gajasjet imperatorike peshk te kaperdine
Histori quhej bjeshka e zhgarkuar mbi ty
Nen dritat romake s'shihje shkretine e Ilirise
Ne cilin amfiteater romak te mberthyen
Te aktrosh disfaten ne skenen publike
Trofe i fundit i koleksionit Ilirian