Firma e njohur amerikane Amazon pritet që më 18 qershor më në fund të lansojë telefonin e shumë pritur.

“Bashkohuni me themeluesin e Amazon-it, Jeff Bezos për ceremoninë tonë”, shkruhet në ballinën e ueb-faqes së Amazon-it.

Telefoni tredimensional pritet të prezantohet në këtë datë në Seattle ndërsa në ceremoni janë ftuar konsumatorë dhe gazetarë, të cilët do të shohin prezantimin e pajisjes së shumë pritur.



Sipas spekulimeve të fundit pajisja do të ketë procesor Qualcomm Snapdragon me 2gigabajt RAM. Telefoni 3D do të punojë përmes sistemit operativ Android, i ngjashëm me versionin i cili është i pranishëm edhe në tabletin Kindle Fire.

Ekrani i telefonit do të ketë 4.7 inç dhe densitet më të ulët të pixelve. Ai ka rezolucion 720p HD krahasuar me 1080p HD të rivalëve tjerë. (Burimi: Koha.net)